छत्रपती संभाजीनगर, 27 सप्टेंबर (हिं.स.)।

कोळी जातीचे प्रमाणपत्र सुलभरित्या मिळावे , जात वैधता प्रमाणपत्र संदर्भात मुख्यमंत्री यांच्यासोबत बैठक आयोजित करण्यासह कोळी समाजाच्या विविध संदर्भात आज सिल्लोड येथील जनसंपर्क कार्यालयात सिल्लोड - सोयगाव मतदारसंघातील कोळी बांधवांच्या उपस्थितीत बैठक पार पडली. यावेळी समाजाच्या विविध विषयांवर आमदार अब्दुल सत्तार यांनी सविस्तर चर्चा केली. जात प्रमाणपत्रासाठी समाज बांधवांनी दाखल केलेल्या संचिका तातडीने निकाली काढण्यासह समाजाच्या विविध मागण्यांसाठी पुढाकार घेवून सर्वोतोपरी सहकार्य करण्याची ग्वाही दिली.

याप्रसंगी कोळी समाजाचे राजाराम पाडळे, विठ्ठल सपकाळ ,भिका भाऊ वाघ ,ईश्वर जाधव आदी समाज बांधवांची उपस्थिती होती.

---------------

हिंदुस्थान समाचार / Hanumant Madanrao Chitnis