छत्रपती संभाजीनगर, 28 सप्टेंबर (हिं.स.)।पैठण शहरातील व नदीकाठच्या सर्व मंडल अध्यक्षांना व भारतीय जनता पार्टीचे पदाधिकारी यांना

जिल्हाध्यक्ष सुहास शिरसाठ यांनी सूचना दिलेल्या आहेत. अतिवृष्टी झाल्याने नाथसागर धरणामध्ये मोठ्या प्रमाणावर पाण्याची आवक वाढली आहे त्या अनुषंगाने मोठ्या प्रमाणावर नाथसागर धरणातून विसर्ग होत आहे. येणाऱ्या काही वेळात शहरांमध्ये असेल किंवा मग ग्रामीण भागातील नदीकाठच्या गावांमध्ये पूर परिस्थिती निर्माण होईल अशी परिस्थिती निर्माण झालेली आहे.

भारतीय जनता पार्टीतील सर्व पदाधिकारी आजी-माजी लोकप्रतिनिधी व सर्व मंडल अध्यक्ष यांनी पूरग्रस्तांना आवश्यक मदत पोहोचवावी आणि मदत करावी असे आवाहन छत्रपती संभाजीनगर जिल्ह्याच्या भारतीय जनता पक्षाच्या जिल्हाध्यक्षांनी केले आहे.

नदीकाठच्या सर्व नागरिकांना आपण सतर्क करून पूरग्रस्त नागरिकांना आवश्यक ती मदत व सहकार्य करावे व आपत्कालीन कक्ष तयार करून, या कक्षा अंतर्गत पदाधिकाऱ्यांची आपत्कालीन मदत समिती तयार करून नागरिकांना मदत करण्यासाठी आवश्यक ती कारवाई तातडीने करावी असे आवाहन सुहास शिरसाठ जिल्हाध्यक्ष भारतीय जनता पार्टी छत्रपती संभाजीनगर उत्तर यांनी केले आहे.

---------------

हिंदुस्थान समाचार / Hanumant Madanrao Chitnis