छत्रपती संभाजीनगर, 30 सप्टेंबर (हिं.स.)। कन्नड सोयगाव मतदारसंघातील शिवसेनेच्या आमदार संजना जाधव यांनी सारोळा व मोहरा येथे अतिवृष्टीमुळे झालेल्या नुकसानग्रस्त भागाची पाहणी केली. यावेळी नुकसानग्रस्त भागाचे पंचनामे करण्याचे आदेश संबंधित अधिकाऱ्यांना दिले असून शासनाच्या माध्यमातून मदत मिळेल.असे त्यांनी सांगितले यासह नागरिकांशी संवाद साधला. कन्नड तालुक्यातील लव्हाळी टाकळी येथील भारत डगले यांचे अतिवृष्टीमुळे आलेल्या पुरामध्ये निधन झाले. आमदार संजना जाधव यांनी सांगितले की दुर्दैवी निधनाची घटना अत्यंत वेदनादायी आहे. या दुःखद प्रसंगी डगले कुटुंबीयांना भेटून त्यांचे आमदार जाधव यांनी सांत्वन केले. कुटुंबावर आलेल्या या शोककाळात शासनामार्फत मदतीचा धनादेश सुपूर्त केला. डगले कुटुंबियांच्या या दुःखद प्रसंगी आम्ही पाठीशी खंबीरपणे उभे आहोत. ---------------
हिंदुस्थान समाचार / Hanumant Madanrao Chitnis
