देहरादून , 13 जानेवारी (हिं.स.) उत्तराखंडच्या बागेश्वरमध्ये मंगळवारी सकाळी भूकंपाचे सौम्य धक्के जाणवले.या भूकंपाची तीव्रता रिश्टर स्केलवर ३.५ इतकी नोंदवण्यात आली. भूकंपाच्या धक्क्यांमुळे भीतीच्या वातावरणात नागरिक घराबाहेर पडले.

माहितीनुसार, या भूकंपाचे केंद्र बागेश्वर परिसरात २९.९३ अंश उत्तर अक्षांश आणि ८०.०७ अंश पूर्व रेखांशावर असल्याचे सांगण्यात आले असून, त्याची खोली सुमारे १० किलोमीटर होती. धक्के जाणवल्यानंतर काही काळ नागरिक सतर्क झाले होते, मात्र कोणत्याही प्रकारची गोंधळाची परिस्थिती निर्माण झाली नाही. तहसील स्तरावरून मिळालेल्या माहितीनुसार, यामध्ये कुठल्याही प्रकारच्या जीवित किंवा मालमत्तेच्या नुकसानीची माहिती नाही. प्रशासन परिस्थितीवर लक्ष ठेवून आहे.आपत्ती व्यवस्थापन अधिकारी शिखा सुयाल यांनी नागरिकांना सतर्क राहण्याचे आवाहन केले असून, कोणत्याही आपत्कालीन परिस्थितीत तात्काळ प्रशासनाला कळवण्याचे सांगितले आहे.उल्लेखनीय म्हणजे, १० डिसेंबर रोजी उत्तराखंडच्या पिथौरागढ जिल्ह्यातही भूकंपाचे धक्के जाणवले होते. चीन सीमेला लागून असलेल्या धारचुला तहसीलमधील उच्च हिमालयीन व्यास खोऱ्यात सकाळी ९ वाजून १० मिनिटांनी भूकंपाचा धक्का जाणवला होता.

---------------

हिंदुस्थान समाचार / Priyanka Bansode