बीसीसीआयच्या केंद्रीय करारातून A+ श्रेणी काढून टाकण्याची शक्यता

नवी दिल्ली, 20 जानेवारी (हिं.स.) बीसीसीआय आपल्या केंद्रीय करार प्रणालीत मोठे बदल करण्याच्या तयारीत आहे. ज्यामध्ये A+ श्रेणी रद्द करण्याचा प्रस्ताव आहे. जर हा प्रस्ताव मंजूर झाला तर विराट कोहली आणि रोहित शर्मा यांना ग्रेड B मध्ये स्थान मिळू शकते. निवड समितीने फॉरमॅट-विशिष्ट उपलब्धता आणि कामगिरीच्या आधारे हे बदल सुचवले आहेत. बोर्ड पुढील बैठकीत अंतिम निर्णय घेणार आहे.

विराट कोहली आणि रोहित शर्मा आता भारतासाठी फक्त एकदिवसीय स्वरूपात खेळतात. परिणामी, पुढील वार्षिक केंद्रीय करारातील त्यांच्या श्रेणीबद्दल प्रश्न उपस्थित केले जात आहेत. सध्या, दोन्ही दिग्गज खेळाडू A+ श्रेणीत आहेत आणि त्यांना बोर्डाकडून वार्षिक ७ कोटी (७ कोटी रुपये) मिळतात. आता, एका अहवालात असा दावा करण्यात आला आहे की, बीसीसीआय ही A+ श्रेणी काढून टाकण्याचा विचार करत आहे. शिवाय, दोन्ही दिग्गजांना खालच्या श्रेणीत स्थानांतरित केले जाऊ शकते.

भारतीय क्रिकेट नियामक मंडळ सुधारित केंद्रीय करार प्रणाली लागू करत आहे. ज्यामुळे ग्रेड A+ श्रेणी रद्द होईल. जर नवीन मॉडेलला बोर्डाने मान्यता दिली तर टीम इंडियाचे स्टार क्रिकेटपटू विराट कोहली आणि रोहित शर्मा यांना ग्रेड B मध्ये स्थान मिळू शकते.

अजित आगरकर यांच्या अध्यक्षतेखालील निवड समितीने केंद्रीय करार रचनेत बदल प्रस्तावित केले आहेत. समितीने A+ श्रेणी (७ कोटी) काढून टाकण्याची आणि फक्त तीन श्रेणी - A, B आणि C कायम ठेवण्याची शिफारस केली आहे. पुढील सर्वोच्च परिषदेच्या बैठकीत आर्थिक बदलांबाबत अधिक स्पष्टता आणि या नवीन मॉडेलला BCCI ची मान्यता अपेक्षित आहे.

प्रस्तावित मॉडेलला मान्यता मिळाल्यास, सध्या फक्त एकदिवसीय सामने खेळणारे विराट कोहली आणि रोहित शर्मा यांना B श्रेणीत स्थान मिळू शकते. BCCI चे केंद्रीय करार हे भारतीय क्रिकेटपटूंना A+, A, B आणि C श्रेणींमध्ये विभागलेले वार्षिक करार आहेत. यामध्ये सामना शुल्काव्यतिरिक्त मोठ्या प्रमाणात वार्षिक मानधनाचा (A+ साठी ७ कोटी, A साठी ५ कोटी, B साठी ३ कोटी आणि C साठी १ कोटी) समावेश आहे.

---------------

हिंदुस्थान समाचार / वृषाली देशपांडे