लातूर, 26 फेब्रुवारी (हिं.स.)।

नवी दिल्ली येथील भारत मंडपम येथे आयोजित एआय (कृत्रिम बुद्धिमत्ता) शिखर परिषदेदरम्यान विविध देशांचे प्रतिनिधी उपस्थित होते. या परिषदेत नरेंद्र मोदी भारताची भूमिका मांडत असताना, राहुल गांधी व काँग्रेस कार्यकर्त्यांनी अर्धनग्न आंदोलन केल्याचा आरोप शिवसेनेच्या पदाधिकाऱ्यांनी केला आहे.

या प्रकारामुळे देशाची प्रतिमा मलिन करण्याचा प्रयत्न झाल्याचा दावा करत, शिवसेना व काँग्रेस यांच्यात आरोप-प्रत्यारोपांची मालिका सुरू झाली आहे. या पार्श्वभूमीवर लातूरमध्ये युवासेना व शिवसेनेच्या वतीने निषेध आंदोलन करण्यात आले. आंदोलनादरम्यान राहुल गांधी यांच्या प्रतिमेला जोडे मारून निषेध व्यक्त करण्यात आला तसेच प्रतीकात्मक पुतळा दहन करण्यात आल्याची माहिती आयोजकांनी दिली.

लातूर जिल्हा युवासेना व शिवसेना यांच्या नेतृत्वाखाली झालेल्या या आंदोलनात युवासेना जिल्हाध्यक्ष कुलदीप सूर्यवंशी, शेतकरी सेना जिल्हाध्यक्ष बालाजी गोडसे पाटील, रेनापूर शहराध्यक्ष रवी चव्हाण, विधानसभा संघटक सतीश करंडे आदी पदाधिकारी व कार्यकर्ते उपस्थित होते.

---------------

हिंदुस्थान समाचार / Mahesh Madanrao Chitnis