कोल्हापूर, 27 एप्रिल (हिं.स.)।
महाराष्ट्र राज्य कृषि पणन मंडळार्फत आयोजित केलेल्या मिलेट व फळ महोत्सवास प्रसिद्ध मराठी चित्रपटाचे अभिनेते राहूल सोलापूरकर यांनी महोत्सवातील सर्व मिलेट व फळ उत्पादकांच्या स्टॉलला भेट देऊन त्यांच्यासमवेत चर्चा केली व त्यांना प्रोत्साहन दिले. विशेषता मिलेटचा वापर करून तयार केलेल्या राजर्षी छत्रपती शाहू महाराज यांच्या रांगोळीचे त्यांनी विशेष कौतुक केले.मिलेट व फळ महोत्सवाच्या दुसर्या दिवशी डॉ.अहिल्या वाघमोडे,फुड सायन्स विभाग प्रमुख,एसजीएम कॉलेज कराड यांचे मिलेटची ओळख व त्यांचा मानवी शरीरास होणारे फायदे या विषयावर व्याख्यान दिले.तिसऱ्या दिवशी डॉ.प्रतिभा ठोंबरे, कृषी विद्यान केंद्र कोल्हापूर यांनी मिलेट उपयुक्तता व मिलेट व्हॅाल्यु एडिशन या विषयावर प्रबोधन केले.
यावेळी मिलेट पाककृती स्पर्धेचेही आयोजन करण्यात आले होते.
परिक्षक डॉ.अहिल्या वाघमोडे डॉ प्रतिभा ठोंबरे,पुजा सावंत,तृप्ती कोळेकर, जयश्री करे यांनी प्रथम ,द्वितीय व तृतीय क्रमांक मिळविणाऱ्या अनुक्रमे सोनल भोसले,मयुरी रानमाळे,श्रेया पोफळे तर उत्तेजनार्थ क्रमांक मिळविणाऱ्या दिपाली देसाई त्यांचा प्रशस्तीपत्रक व पुष्पगुच्छ देऊन सन्मान केला.गेल्या चार दिवसांमध्ये तब्बल ३० लाखांची उलाढाल या मिलेट महोत्सावामध्ये झाली आहे.कृषी पणन मंडळाचे सरव्यवस्थापक विनायक कोकरे यांनीही या महोत्सवास भेट देऊन उपस्थित स्टॉलधारक शेतकर्यांशी चर्चा केली. डॉ.संदीप पाटील मिलेटवर व्याख्यान झाले.
---------------
हिंदुस्थान समाचार / VijayKumar Pandurang Powar
