मुंबई, 29 एप्रिल (हिं.स.) - इंटरनेटवर दिसणाऱ्या असंख्य फाइव्ह-स्टार रेटिंग्समागे एक वाढते सत्य दडलेले आहे. रिव्ह्यू फार्म्स, पैसे देऊन केलेल्या जाहिराती आणि अल्गोरिदम-आधारित दृश्यमानता, या गोष्टी आपण ऑनलाइन काय पाहतो आणि कोणावर विश्वास ठेवतो, हे अधिकाधिक ठरवत आहेत. आज, जवळपास अर्धे रिव्ह्यू बनावट किंवा फेरफार केलेले असतात; तरीही, काय खरेदी करावे, काय पाहावे आणि कशावर विश्वास ठेवावा, याबाबतच्या आपल्या निर्णयांवर त्यांचा प्रभाव पडतच आहे. या दरम्यान मुंबईत आयोजित 'द रिपल इफेक्ट' (The Rippl Effect) समिटमध्ये, मीडिया, क्रिएटर आणि सांस्कृतिक क्षेत्रातील प्रमुख व्यक्ती या वास्तवाला सामोरे जाण्यासाठी आणि एक साधा प्रश्न विचारण्यासाठी एकत्र आले होते. या गोंगाटाने भरलेल्या जगात, आपण खरोखर कोणावर विश्वास ठेवायचा?

मालिनी अग्रवाल यांच्या अध्यक्षतेखाली झालेल्या या समिटमध्ये नंदिनी भल्ला, विराज शेठ आणि सारांश गोइला यांसारख्या वक्त्यांनी मीडिया क्षेत्र, क्रिएटर इकॉनॉमी आणि संस्कृती या विविध विषयांवरील आपले दृष्टिकोन मांडले. त्यांनी एकत्रितपणे एका सामायिक दृष्टिकोनातील बदलावर चर्चा केली. इंटरनेटवर शोधणे ही समस्या नाही, तर विश्वासार्हता महत्वाची आहे. याच पार्श्वभूमीवर, शिखर वैद्य आणि स्मृती दुबे यांनी स्थापन केलेले 'रिपल' (Rippl) हे सोशल रेकमेंडेशन प्लॅटफॉर्म अधिकृतपणे सुरू करण्यात आले.

रिपल एका साध्या तत्त्वावर आधारित आहे. लोक प्लॅटफॉर्मवर नाही, तर लोकांवर विश्वास ठेवतात. हे ॲप वापरकर्त्यांना त्यांच्या ओळखीच्या, फॉलो करणाऱ्या किंवा विश्वास असलेल्या व्यक्तींकडून आलेल्या शिफारसी शोधण्यास, सेव्ह करण्यास, शेअर करण्यास आणि त्यावर कृती करण्यास सक्षम करते. उत्पादने, ठिकाणे किंवा कंटेंट यांपैकी कशाबद्दलही असो, प्रत्येक शिफारस ही सशुल्क प्रभावाऐवजी खऱ्या विश्वासावर आधारित असते. क्रिएटर्स आणि क्युरेटर्ससाठी, रिपल एका नव्या प्रकारचा प्रभाव सादर करते, जो केवळ गर्दीच्या संख्येवर नव्हे, तर विश्वासार्हतेवर आधारित आहे.

लाँचप्रसंगी बोलताना, रिपलचा सह-संस्थापक शिखर वैद्य म्हणाला, इंटरनेटवर शोधणे ही समस्या नाही, तर विश्वासार्हता महत्वाची आहे. आज आपण जे काही पाहतो, त्यातील एक मोठा भाग हेतूने नव्हे, तर प्रलोभनांनी प्रेरित आहे. रिपल हे बदलण्याचे ध्येय ठेवते.

रिपलची सह-संस्थापिका स्मृती दुबे म्हणाली, “आम्ही एक अधिक उद्देशपूर्ण इंटरनेट तयार करत आहोत. जिथे शिफारसी विचारपूर्वक, विश्वासार्ह आणि खऱ्या अर्थाने उपयुक्त असतील.”

या प्लॅटफॉर्मला Silicon Road VC, Jaipuria Family Office, GKK Capital, MeitY Startup Hub आणि Angel Investors यांसारख्या गुंतवणूकदारांचे पाठबळ मिळाले आहे. जे 'विश्वासावर आधारित सोशल कॉमर्स'वरील वाढता विश्वास दर्शवते. हे केवळ एका ॲपचे लाँचिंग नाही, तर The Rippl Effect हे इंटरनेटच्या वापराच्या पद्धतीमध्ये होणारा एक मूलभूत बदल मांडते, जो 'अल्गोरिदम-आधारित शोधा'कडून 'विश्वासावर आधारित निर्णयांकडे' वाटचाल करतो.

Rippl हे एक 'सोशल रिकमेंडेशन प्लॅटफॉर्म' आहे, जे लोकांना त्यांच्या स्वतःच्या ओळखींमधून विश्वासार्ह शिफारसी शोधण्यास आणि त्यांवर कृती करण्यास मदत करण्याच्या उद्देशाने तयार करण्यात आले आहे.

---------------

हिंदुस्थान समाचार / सुधांशू जोशी