- यंदा ३ जुलै ते ९ ऑगस्ट होणार यात्रा

श्रीनगर, 23 मे (हिं.स.) - अमरनाथ यात्रा यावर्षी 3 जुलैला सुरू होणार असून 9 ऑगस्टपर्यंत चालणार आहे. दरम्यान आज, शनिवारी बर्फापासून बनलेल्या शिवलिंगाची (बाबा बर्फानी) पहिली छायाचित्रे समोर आली आहेत. छायाचित्रांमध्ये दिसत आहे की शिवलिंगाने आपला आकार घेतला असून तब्बल ६-७ फूट उंच शिवलिंग तयार झाले आहे. यावेळी सुरक्षेसाठी तैनात असलेल्या बीएसएफ जवानांनी सर्वप्रथम शिवलिंगाचे दर्शन घेतले.

यंदा अमरनाथ यात्रेसाठी आतापर्यंत 3.6 लाखांहून अधिक भाविकांनी नोंदणी केली आहे. यात्रा 3 जुलैपासून बालटाल-सोनमर्ग आणि पारंपरिक नुनवान-पहलगाम मार्गाने सुरू होईल. 57 दिवसांची ही यात्रा 28 ऑगस्ट रोजी रक्षाबंधन आणि श्रावण पौर्णिमेच्या दिवशी संपेल. नोंदणी 15 एप्रिलपासून सुरू झाली होती. 5 ते 30 लोकांच्या गटात प्रवास करणाऱ्या भाविकांसाठी नोंदणी बुधवारी बंद झाली. तथापि, एकट्याने किंवा लहान गटात येणाऱ्या भाविकांसाठी स्लॉट उपलब्ध असेपर्यंत नोंदणी सुरू राहील. अधिकाऱ्यांना आशा आहे की, या वर्षी ही संख्या 5 लाखांच्या पुढे जाऊ शकते. 2025 मध्ये 4.14 लाख भाविकांनी दर्शन घेतले होते, तर 2024 मध्ये हा आकडा 5.10 लाखांपेक्षा जास्त होता.

यात्रा मार्गावर अनेक ठिकाणी अजूनही 10 ते 12 फूट बर्फ साचलेला आहे, परंतु सीमा रस्ते संघटना (बीआरओ) दोन्ही मार्गांवर वेगाने मार्ग पूर्ववत करण्याचे काम सुरू आहे. अधिकाऱ्यांचा दावा आहे की, 15 जूनपर्यंत दोन्ही मार्ग पूर्णपणे तयार केले जातील. रस्त्यावर सामान्य ठिकाणी 6 ते 8 फूट आणि हिमस्खलन झालेल्या भागांमध्ये 10 ते 12 फुटांपर्यंत बर्फ साचलेला आहे. बालटाल मार्गावर 9 किमी आणि नुनवान-पहलगाम मार्गावर 8 किमी ट्रॅकवरून बर्फ हटवण्यात आला आहे. ट्रॅक 12 फूट रुंद करणे, पृष्ठभाग सुधारणे, रिटेनिंग वॉल आणि कल्व्हर्ट बनवण्याचे कामही सुरू आहे.

---------------

हिंदुस्थान समाचार / सुधांशू जोशी