वॉशिंग्टन, 23 मे (हिं.स.)। अमेरिकेच्या गुप्तचर संस्थांच्या प्रमुख तुलसी गबार्ड यांनी आपल्या पदाचा राजीनामा दिला आहे. राष्ट्राध्यक्ष डोनाल्ड ट्रंप यांनी आपल्या दुसऱ्या कार्यकाळात तुलसी गबार्ड यांची अमेरिकाातील 18 गुप्तचर संस्थांवर देखरेख ठेवणाऱ्या राष्ट्रीय गुप्तचर संस्थेच्या संचालकपदी नियुक्ती केली होती. राष्ट्राध्यक्ष ट्रंप यांनी तुलसी गबार्ड यांचा राजीनामा स्वीकारला असून त्यांच्या सहायक उपसंचालक आरोन लुकास यांची कार्यकारी संचालकपदी नियुक्ती केली आहे. तुलसी 30 जून रोजी पदमुक्त होतील.

राष्ट्राध्यक्ष ट्रंप यांना पाठवलेल्या आपल्या राजीनामा पत्रात तुळसी यांनी पती अब्राहम यांच्या आजारपणाचा उल्लेख केला आहे. त्यांनी लिहिले आहे की, त्यांचे पती दुर्मिळ प्रकारच्या हाडांच्या कर्करोगाने ग्रस्त आहेत. पतीची काळजी घेण्यासाठी त्यांना वेळ हवा आहे. राष्ट्राध्यक्ष ट्रंप यांनी सोशल मीडियावर तुलसी यांच्या कार्यकाळाचे कौतुक करत म्हटले की, “आम्हाला त्यांची उणीव भासेल.”

तुलसी यांनी आपल्या राजीनाम्यात इराण युद्ध किंवा इतर मुद्द्यांवर ट्रंप प्रशासनाच्या धोरणांशी कोणताही असहमतीचा उल्लेख केलेला नाही. मात्र, राजकीय वर्तुळात ही सर्वसाधारण चर्चा होती की, तुलसी गबार्ड इराणच्या अणुकार्यक्रमावरून त्याच्याविरुद्ध छेडण्यात आलेल्या युद्धाच्या विरोधात होत्या.

गेल्या काही महिन्यांत ट्रंप प्रशासनातील अनेक मंत्री आणि अधिकाऱ्यांनी राजीनामे दिले आहेत.

---------------

हिंदुस्थान समाचार / Suraj Chaugule