येवला, 23 ऑगस्ट (हिं.स.)। तालुक्यातील नागडे रेल्वे गेट परिसरातील कचर्याच्या ढिगार्यात शेकडो ओळखपत्रे बेवारस उघड्यावर पडल्याचा धक्कादायक प्रकार समोर आला आहे.

रस्त्याने पायी जाणार्या एका नागरिकाच्या हा प्रकार लक्षात आला. रस्त्याच्या कडेला असलेल्या कचर्यात शेकडो शासकीय व वैयक्तिक ओळखपत्रे, पॅनकार्ड आणि मतदान कार्ड दिसून आले. याची माहिती मिळताच कामगार तलाठी यांनी प्रत्यक्ष पाहणी करून सर्व ओळखपत्रे येवला शहर पोलिसांच्या स्वाधीन केली आहेत. महत्त्वाची वैयक्तिक कागदपत्रे उघड्यावर सापडल्याने नागरिकांमध्ये संभ्रमाचे वातावरण निर्माण झाले आहे. ही ओळखपत्रे कोणाची आहेत? ती कचर्यात कशी आली? याचा काही गैरवापर झाला आहे का? असे अनेक प्रश्न उपस्थित होत आहेत.

---------------

हिंदुस्थान समाचार / MANAS CHANDRASHEKHAR GOSAVI