नवी दिल्ली, १४ सप्टेंबर (हिं.स.) अमेरिकन ओपनच्या पहिल्या फेरीत धक्कादायक पराभवानंतर, सर्बियाचा २४ वेळचा ग्रँडस्लॅम विजेता नोव्हाक जोकोविच जाहीर झालेल्या ताज्या एटीपी क्रमवारीतून अव्वल १० मधून बाहेर पडला आहे. तो आता जगात १२ व्या क्रमांकावर आहे.

अमेरिकन ओपनच्या पहिल्या फेरीत अर्जेंटिनाच्या मारियानो नाओनेने जोकोविचला ७-६(५), ५-७, ४-६, ६-२, ६-१ अशा फरकाने पराभूत केले. हा सामना चार तास आणि ३६ मिनिटे चालला. २००६ च्या ऑस्ट्रेलियन ओपननंतर ग्रँडस्लॅमच्या पहिल्याच फेरीत जोकोविच बाहेर पडण्याची ही पहिलीच वेळ आहे.

चार वेळा अमेरिकन ओपन चॅम्पियन राहिलेल्या जोकोविचने गेल्या वर्षी फ्लशिंग मेडोज येथे उपांत्य फेरी गाठली होती, जिथे तो स्पेनच्या कार्लोस अल्काराझकडून पराभूत झाला. या वर्षी, तो आपल्या मागील वर्षाचे रँकिंग गुण राखू शकला नाही, ज्यामुळे त्याला अव्वल १० मधून बाहेर पडावे लागले.

जोकोविचने २००७ मध्ये पहिल्यांदा एटीपी रँकिंगच्या अव्वल १० मध्ये स्थान मिळवले. २०१७ मध्ये, कोपराच्या समस्येमुळे त्याला विम्बल्डनच्या उपांत्यपूर्व फेरीतून माघार घ्यावी लागली आणि तो उर्वरित हंगामात खेळू शकला नाही. त्यानंतर नोव्हेंबरमध्ये तो अव्वल १० मधून बाहेर पडला. पण, गवताच्या कोर्टवर आपले चौथे ग्रँडस्लॅम विजेतेपद जिंकल्यानंतर २०१८ मध्ये त्याने पुन्हा अव्वल १० मध्ये स्थान मिळवले.

एटीपी रँकिंगच्या इतिहासात जागतिक क्रमवारीत अव्वल स्थानी सर्वाधिक आठवडे (४२८ आठवडे) राहण्याचा विक्रम जोकोविचच्या नावावर आहे.

टॉप १० क्रमवारी

१. यानिक सिनर – ११,५०० गुण

२. अलेक्झांडर झ्वेरेव्ह – ९,६९० गुण

३. कार्लोस अल्काराझ – ५,५६० गुण

४. बेन शेल्टन – ४,६८० गुण (+५) 5.फेलिक्स ऑज-अलियासिम – ३,८९० गुण (-१)

६. डॅनियल मेदवेदेव – ३,७७० गुण (+२) ७. फ्लाविओ कोबोली – ३,७२० गुण (-१)

८. फ्रान्सिस टियाफो – ३,३८० गुण (+४)

९. अलेक्स डी मिनॉर – ३,३०० गुण (-२)

१०. टेलर फ्रिट्झ – ३,१७५ गुण

या बदलामुळे, ऑक्टोबर २००२ नंतर प्रथमच 'बिग थ्री' मधील कोणताही सदस्य एटीपी क्रमवारीच्या टॉप १० मध्ये नाही. रॉजर फेडररने निवृत्ती घेतली. २०२२ मध्ये, तर २२-वेळा ग्रँडस्लॅम विजेता राफेल नादाल २०२४ मध्ये व्यावसायिक टेनिसमधून निवृत्त झाला.

आपले पहिले अमेरिकन ओपन विजेतेपद जिंकणारा झ्वेरेव्ह दुसऱ्या स्थानावर कायम आहे, पण त्याने अव्वल क्रमांकावरील यानिक सिनरसोबतचे गुणांचे अंतर कमी केले आहे. गुडघ्याच्या दुखापतीमुळे सिनर यावर्षी न्यूयॉर्कमध्ये खेळला नाही.

अंतिम फेरीत झ्वेरेव्हकडून पराभूत झालेल्या बेन शेल्टनने कारकिर्दीतील सर्वोत्तम चौथे स्थान पटकावले आहे. उपांत्य फेरीत शेल्टनकडून पराभूत झालेल्या फ्रान्सिस टियाफोनेही १२व्या स्थानावरून आठव्या स्थानावर झेप घेत कारकिर्दीतील सर्वोत्तम स्थान मिळवले आहे.

अमेरिकन ओपनच्या अंतिम १६ मध्ये पोहोचलेला डॅनियल मेदवेदेव आठव्या स्थानावरून सहाव्या स्थानावर पोहोचला आहे. दरम्यान, फेलिक्स ऑगे-अलियासिम, फ्लाविओ कोबोली आणि ॲलेक्स डी मिनॉर यांच्या क्रमवारीत घसरण झाली आहे.

भारतीय टेनिसपटूंची क्रमवारी

दुहेरी : युकी भांब्री ४४वे, एन. श्रीराम बालाजी ४९वे, निकी पूनाचा ८७वे, अनिरुद्ध चंद्रशेखर ८८वे, सिद्धांत बंठिया ११६वे, अर्जुन काधे १४२वे, ऋत्विक चौधरी बोल्लीपल्ली १५४वे, रामकुमार विराजन ७३वे, एन. वि.रामनाथन ७वे. 192व्या आणि एस.डी. प्रज्वल देव 196व्या क्रमांकावर आहेत.

एकेरी: सुमित नागल 245व्या, दक्षिणेश्वर सुरेश 364व्या आणि मानस धामणे 366व्या क्रमांकावर आहे.

---------------

हिंदुस्थान समाचार / वृषाली देशपांडे