चंद्रपूर, 13 जानेवारी (हिं.स.)।

चंद्रपूरमधील वन अकादमी येथे तीन दिवसीय ‘इंटरनॅशनल कॉन्फरन्स ऑन क्लायमेट चेंज- २०२५’चे आयोजन दिनांक १६ ते १८ जानेवारी २०२५ या कालावधीत होणार आहे. या निमित्ताने चंद्रपूरमधून ग्लोबल

वॉर्मिंगच्या विरोधातील शंखनाद केला जाईल. सी फॉर चंद्रपूर हे सी फॉर क्लायमेट

चेंजच्या संदर्भात धोरण तयार करण्यात मोठे योगदान देईल, असा विश्वास आ. सुधीर मुनगंटीवार

यांनी सोमवारी व्यक्त केला. या परिषदेत पर्यावरणप्रेमींनी मोठ्या संख्येने उपस्थित

व्हावे, असे आवाहन आ. मुनगंटीवार यांनी केले आहे.

मुनगंटीवार

यांनी तयारीचा आढावा घेतला. या आंतरराष्ट्रीय परिषदेमध्ये १७० हून अधिक संशोधन

पेपर्सचे सादरीकरण,

जागतिक हवामान

तज्ज्ञांचे मार्गदर्शन,

महिला सक्षमीकरण व युवा

नेतृत्वाला प्रोत्साहन,

आदी उपक्रम होणार आहेत.

या उपक्रमातून पर्यावरण संवर्धनासाठी निश्चित महत्त्वपूर्ण योगदान मिळेल, असा विश्वास त्यांनी यावेळी व्यक्त केला. वीस कलमी

सभागृह जिल्हाधिकारी कार्यालय चंद्रपूर येथे आढावा बैठकीला एसएनडी विद्यापीठाच्या

कुलगुरू डॉ. उज्वला चक्रदेव (आभासी पद्धतीने), प्रभारी जिल्हाधिकारी विवेक जॉन्सन, मनपा आयुक्त विपीन पालीवाल, एसएनडीटी बल्लारपूर कॅम्पस संचालक डॉ. राजेश इंगोले व

अधिकारी उपस्थित होते.

१६ जानेवारीला दुपारी ३

वाजता महामहीम राज्यपाल सी.पी. राधाकृष्णन यांच्या हस्ते या आंतरराष्ट्रीय

परिषदेचे उद्घाटन होणार आहे. आंतरराष्ट्रीय स्तरावरील वातावरण बदलावर चिंतन

करण्यासाठी या परिषदेचे आयोजन करण्यात आल्याचेही त्यांनी सांगितले. ते म्हणाले, ‘पर्यावरण संवर्धनाच्या संदर्भात तात्कालिक नव्हे तर

स्थायी स्वरुपाचे कार्य आवश्यक आहे. केवळ चंद्रपूरच्या नव्हे तर प्रत्येक

क्षेत्रातील वातावरणात होणारे बदल,

ग्लोबल वॉर्मिंग, पर्यावरण संवर्धन या संदर्भात राज्यामध्ये स्थायी

समिती तयार करण्याचा निर्णय झाला आहे,

असेही आ. मुनगंटीवार

म्हणाले.

या परिषदेचे नियोजन मी

वनमंत्री असतानाच झाले होते. त्याचे उद्घाटन येत्या १६ जानेवारीला होत आहे.

यामध्ये महामहीम राज्यपालांसह जलपुरुष डॉ. राजेंद्रसिंह यांच्यासारखे पर्यावरण

तज्ञही सहभागी होणार आहेत. अमेरिकेसह बाहेरील देशातूनही पर्यावरण तज्ञांचा यामध्ये

समावेश असणार आहे,

अशी माहितीही आ. श्री.

मुनगंटीवार यांनी दिली.

एसएनडीटी महिला विद्यापीठ, मुंबई यांनी सिटी युनिव्हर्सिटी, न्यूयॉर्क, अमेरिका

यांचे शैक्षणिक सहकार्य लाभले आहे. तसेच महाराष्ट्र शासनाच्या मँग्रोव्ह फाऊंडेशन, महाराष्ट्र प्रदूषण नियंत्रण मंडळ, जिल्हा प्रशासन, चंद्रपूर

महानगरपालिका,

बॉम्बे नॅचरल हिस्टरी

सोसायटी, इकोलॉजिकल सोसायटी, पुणे आणि चंद्रपूर वन अकादमी यांच्या एकत्रित

सहकार्याने परिषदेचे आयोजन करण्यात आले आहे.

---------------

हिंदुस्थान समाचार / एम.पंकजराव