कॅनबेरा, 2 ऑक्टोबर (हिं.स.) वेगवान गोलंदाज दीपेश देवेंद्रन आणि खिलन पटेल यांच्या शानदार गोलंदाजीच्या कामगिरीमुळे भारतीय १९ वर्षांखालील संघाने पहिल्या युवा कसोटी सामन्यात ऑस्ट्रेलियाच्या १९ वर्षांखालील संघाचा एक डाव आणि ५८ धावांनी पराभव केला. दीपेश आणि खिलन पटेल यांनी दुसऱ्या डावात प्रत्येकी तीन विकेट्स घेतल्या. आणि ऑस्ट्रेलियन संघाला डावाने पराभव सहन लागला नाही.

भारतीय १९ वर्षांखालील संघाने ऑस्ट्रेलिया दौऱ्यावर आपले वर्चस्व कायम ठेवले आहे. युवा कसोटीपूर्वी, त्यांनी ऑस्ट्रेलियन १९ वर्षांखालील संघाविरुद्ध तीन सामन्यांच्या युवा एकदिवसीय मालिकेत ३-० असा विजय मिळवला. दोन्ही संघांमधील मालिकेतील दुसरा आणि शेवटचा युवा कसोटी सामना ७ ऑक्टोबर रोजी सुरू होणार आहे.

ऑस्ट्रेलियाने सामन्याच्या चौथ्या दिवशी आपला दुसरा डाव एक बाद धावांवर खेळण्यास सुरू केला होता. पण ४९.३ षटकांत केवळ १२७ धावांवर त्यांचा संघ सर्वबाद झाला. ऑस्ट्रेलिया अंडर-१९ संघाच्या पहिल्या डावातील २४३ धावांच्या प्रत्युत्तरात वैभव सूर्यवंशी आणि वेदांत त्रिवेदी यांच्या शानदार शतकांमुळे भारताने ४२८ धावा केल्या आणि १८५ धावांची आघाडी घेतली होती. ऑस्ट्रेलिया अ संघ दुसऱ्या डावात १०० धावसंख्येपर्यंत पोहोचू शकला नाही.

पहिल्या डावात पाच विकेट्स घेणाऱ्या वेगवान गोलंदाज दीपेश देवेंद्रनने दुसऱ्या डावात तीन विकेट्स घेतल्या. खिलन पटेलनेही तीन विकेट्स घेण्यात यश मिळवले. तर अनमोलजीत सिंग आणि किशन कुमारने प्रत्येकी दोन फलंदाजांना बाद केले.

---------------

हिंदुस्थान समाचार / वृषाली देशपांडे