बीड, 7 नोव्हेंबर (हिं.स.)।

मनोज जरांगे यांना जीवे मारण्याचा कट रचणाऱ्या दोन आरोपीं विरूध्द कठोर कायदेशीर कारवाई करण्यात यावी त्यांच्या विरुद्ध तातडीने कारवाई व्हावी अशी मागणी विधानसभा मतदारसंघाचे आमदार सुरेश धस यांनी केली आहे.

निवेदन करण्यात येते की, मराठा संघर्ष योध्दा मनोज दादा जरांगे पाटील हे मराठा समाजाच्या न्याय हक्कासाठी सातत्याने लढा देत असुन त्यांच्या नेतृत्वामुळे राज्यभरात मोठ्या प्रमाणात जनजागृती झाली आहे. परंतु आज काही असामाजिक प्रवृत्तीकडुन त्यांच्या जिवीतास धोका निर्माण करण्याचा प्रयत्न केला जात असल्याच्या बातम्या प्रसारमाध्यमांमधुन समोर येत आहेत. मनोज दादा जरांगे पाटील यांच्या सुरक्षेचा प्रश्न अत्यंत संवेदनशील स्वरूपाचा असुन जनतेमध्ये या विषयी तीव्र चिंता व्यक्त केली जात आहे.

या प्रकरणाची सखोल चौकशी करून जीवे मारण्याचा कट रचणाऱ्या दोन आरोपीं विरूध्द कठोर कायदेशीर कारवाई करण्यात यावी. तसेच, मनोज दादा जरांगे पाटील यांच्या सुरक्षेचे गांभीर्य लक्षात घेऊन आवश्यक असलेली अधिकची शासकीय सुरक्षा तात्काळ पुरविण्यात यावी.

---------------

हिंदुस्थान समाचार / Aparna Chitnis