- मथुरेच्या संताने पंतप्रधानांना रक्ताने लिहिले पत्र

लखनऊ, 9 नोव्हेंबर (हिं.स.)।श्रीकृष्ण जन्मभूमी मंदिर प्रकरणाचे मुख्य याचिकाकर्ते दिनेश फलाहारी महाराज यांनी बागेश्वर धाम सरकारचे पंडित धीरेंद्र कृष्ण शास्त्री यांना भारत रत्न देण्याची मागणी केली आहे. दिनेश फलाहारी महाराज यांनी पंतप्रधान नरेंद्र मोदी यांना आपल्या रक्ताने पत्र लिहून ही मागणी केली आहे.

वृंदावन येथील महामंडलेश्वर राधा नंद गिरी यांच्या आश्रमात दिनेश फलाहारी महाराजांनी हे पत्र लिहिले. त्यांनी म्हटले की, धीरेंद्र शास्त्री यांनी जगभरातील सनातन धर्मीयांना एका सूत्रात बांधण्याचे कार्य केले आहे. ते जात-पात, ऊंच-नीच या सर्व भेदांपलीकडे जाऊन प्रत्येक हिंदूला एकत्र आणण्याचा प्रयत्न करत आहेत. फलाहारी महाराजांनी पंतप्रधानांना विनंती केली आहे की धीरेंद्र शास्त्री यांना भारत रत्न पुरस्काराने सन्मानित करावे, कारण त्यांनी केलेले कार्य सनातन धर्माच्या उन्नती आणि एकतेसाठी अमूल्य आहे.

फलाहारी महाराजांचे म्हणणे आहे की, धीरेंद्र शास्त्री हे भगवान हनुमानाचे परम भक्त आहेत. त्यांनी कठीण यात्रांद्वारे हिंदू समाजाला जागरूक केले आणि हिंदू राष्ट्राच्या दिशेने नवीन विचारसरणीला जन्म दिला आहे.

---------------

हिंदुस्थान समाचार / Priyanka Bansode