ढाका, 22 डिसेंबर (हिं.स.)।अल्पसंख्याकांवर मोठ्या प्रमाणात हल्ले होत असल्याच्या भारताच्या आरोपांना बांगलादेशच्या परराष्ट्र मंत्रालयाने फेटाळून लावले आहे. बांग्लादेशच्या परराष्ट्र मंत्रालयाने रविवारी एक निवेदन जारी केले. या निवेदनात मंत्रालयाने असा दावा केला की मयमनसिंह येथे एका हिंदू युवकाच्या हत्येनंतर अल्पसंख्याकांवर मोठ्या प्रमाणावर हल्ले होत असल्याचे कोणतेही संकेत नाहीत. याआधी, २० डिसेंबर रोजी नवी दिल्लीतील बांग्लादेश उच्चायोगाबाहेर घडलेल्या घटनेबाबत बांग्लादेशी माध्यमांच्या काही घटकांनी लावलेले आरोप भारताने फेटाळून लावले होते.
बांग्लादेशच्या परराष्ट्र मंत्रालयाने आरोप केला की निदर्शकांनी उच्चायोगाच्या अगदी बाहेरच आपली कारवाई केली होती आणि या आयोजित कार्यक्रमाची कोणतीही पूर्वसूचना उच्चायोगाला देण्यात आलेली नव्हती. निवेदनात असेही नमूद करण्यात आले की नवी दिल्ली बांग्लादेशच्या सर्व राजनैतिक कार्यालयांच्या सुरक्षिततेची खात्री करण्यास कटिबद्ध आहे.
बांग्लादेशच्या परराष्ट्र मंत्रालयाने असा आरोप केला की भारतीय अधिकारी हिंदू समुदायातील एका बांग्लादेशी नागरिकावर झालेल्या एकट्या हल्ल्याला अल्पसंख्याकांवरील हल्ल्यांच्या स्वरूपात दाखवण्याचा प्रयत्न करत आहेत. मंत्रालयाने स्पष्ट केले की (अंतरिम) सरकारने या गुन्ह्यातील आरोपींना आधीच अटक केली असून, बांग्लादेशमध्ये विविध समुदायांमधील परिस्थिती तुलनेने स्थिर आहे.निवेदनात असेही नमूद करण्यात आले की, या प्रदेशातील सर्व देशांच्या सरकारांचे हे कर्तव्य आहे की त्यांनी आपल्या देशांतील अल्पसंख्यकांची सुरक्षा सुनिश्चित करावी.
बांग्लादेशच्या परराष्ट्र मंत्रालयाने पुढे सांगितले की, या घटनेत सामील असलेल्या गुन्हेगारांना बांग्लादेश सरकारने तत्काळ अटक केली आहे. बांग्लादेशमधील समुदायांमधील परिस्थिती दक्षिण आशियातील इतर अनेक भागांच्या तुलनेत अधिक चांगली आहे. बांग्लादेशचे मत आहे की या प्रदेशातील सर्व देशांच्या सरकारांचे कर्तव्य आहे की त्यांनी आपल्या-आपल्या देशांतील अल्पसंख्यकांची सुरक्षा सुनिश्चित करावी.
याआधी भारताच्या परराष्ट्र मंत्रालयाने (एमईए) नवी दिल्लीतील बांग्लादेश उच्चायोगाबाहेर झालेल्या आंदोलनाबाबत माध्यमांच्या प्रश्नांना उत्तरे दिली होती. परराष्ट्र मंत्रालयाने सांगितले की बांग्लादेशी माध्यमांनी ‘भ्रामक’ कथा प्रसारित केली आहे. एमईएचे प्रवक्ते रणधीर जायसवाल यांच्या म्हणण्यानुसार, २० ते २५ युवक उच्चायोगाबाहेर एकत्र आले होते. ते हिंदू युवक दीपु चंद्र दास यांच्या हत्येचा निषेध करण्यासाठी आणि अल्पसंख्यकांच्या सुरक्षेची मागणी करण्यासाठी जमले होते. मात्र, त्यांनी उच्चायोगाच्या परिसरात प्रवेश करण्याचा किंवा सुरक्षेच्या कामात अडथळा निर्माण करण्याचा कोणताही प्रयत्न केला नव्हता. पोलिसांनी काही मिनिटांतच या निदर्शकांना हटवले आणि या घटनेचे पुरावे सार्वजनिकरीत्या उपलब्ध आहेत.
---------------
हिंदुस्थान समाचार / Priyanka Bansode
