नवी दिल्ली, २५ डिसेंबर (हिं.स.)कर्नाटकातील चित्रदुर्ग जिल्ह्यात झालेल्या भीषण रस्ते अपघाताबद्दल राष्ट्रपती द्रौपदी मुर्मू, उपराष्ट्रपती सी.पी. राधाकृष्णन आणि पंतप्रधान नरेंद्र मोदी यांनी तीव्र शोक व्यक्त केला. या अपघातात अनेक प्रवाशांचा मृत्यू झाला, तर अनेक जण गंभीर जखमी झाले. राष्ट्रपतींनी आपल्या संदेशात चित्रदुर्ग येथे झालेल्या बस आगीबद्दल तीव्र शोक व्यक्त केला. मृतांच्या कुटुंबियांबद्दल त्यांनी संवेदना व्यक्त केल्या आणि जखमींच्या लवकर पुनर्प्राप्तीसाठी प्रार्थना केली.
अपघाताबद्दल शोक व्यक्त करताना उपराष्ट्रपतींनी चित्रदुर्ग जिल्ह्यातील या दुःखद रस्ते अपघातात मृत्युमुखी पडलेल्यांच्या कुटुंबियांबद्दल तीव्र शोक व्यक्त केला. जखमींच्या लवकर पुनर्प्राप्तीसाठीही त्यांनी प्रार्थना केली.पंतप्रधान नरेंद्र मोदींनी मृतांच्या कुटुंबीयांबद्दल संवेदना व्यक्त केल्या आणि जखमींच्या लवकर पुनर्प्राप्तीसाठी प्रार्थना केली. पंतप्रधान कार्यालयाच्या माहितीनुसार, पंतप्रधानांनी पंतप्रधान राष्ट्रीय मदत निधीतून प्रत्येक मृतांच्या नातेवाईकांना २ लाख रुपये आणि जखमींना ५० हजार रुपये सानुग्रह अनुदान जाहीर केले आहे.कर्नाटकातील चित्रदुर्ग जिल्ह्यातील हिरियुर तालुक्यातील गोरलाहट्टू गावाजवळ राष्ट्रीय महामार्ग क्रमांक ४८ वर आज पहाटे बेंगळुरूहून गोकर्णाकडे जाणारी बस समोरून येणाऱ्या लॉरीशी धडकली. या धडकेनंतर बसला आग लागली आणि ती पूर्णपणे जळून राख झाली.-------------------
हिंदुस्थान समाचार / वृषाली देशपांडे
