मुंबई, 12 मार्च (हिं.स.)।'झी मराठी' वाहिनीवर श्रेयस तळपदे याचा 'चल भावा सिटीत' या नवीन कार्यक्रमाला येत्या १५ मार्चपासून सुरुवात होणार आहे. येत्या १५ मार्चपासून हा कार्यक्रम रोज रात्री ९:३० वाजता प्रसारित केला जाणार आहे. यामध्ये शहरातल्या सुंदरी आणि गावरान ब्रो यांचा अनोखा खेळ प्रेक्षकांना पाहायला मिळेल.आता श्रेयसचा शो सुरू होणार असल्याने येत्या १७ मार्चपासून सध्या सुरू असणाऱ्या मालिकांच्या वेळा बदलण्यात येणार आहेत.

झी मराठी' वाहिनीवर येत्या १७ मार्चपासून महत्त्वाचे बदल करण्यात येणार आहे.'झी मराठी' वाहिनीवर नवा चल भावा सिटीत हा रिअ‍ॅलिटी शो सुरू होणार असल्याने तीन मालिकांच्या वेळा बदण्यात आल्या आहेत. यामध्ये तुला शिकवीन चांगलाच धडा, लाखात एक आमचा दादा आणि नवरी मिळे हिटलरला या मालिकांचा समावेश आहे.तुला शिकवीन चांगलाच धडा ही मालिका सध्या ११ वाजता प्रसारित केली जाते. या मालिकेची वेळ बदलून ती सायंकाळी सहाची करण्यात आली आहे. तर, ११ च्या स्लॉटला आता प्रेक्षकांना एजे-लीलाची लव्हस्टोरी पाहायला मिळणार आहे. नवरी मिळे हिटलरला ही मालिका आता रात्री दहाऐवजी अकरा वाजता प्रसारित केली जाईल. तर, सूर्या दादाची मालिका सायंकाळी साडे सहा वाजता प्रसारित केला जाणार आहे.

छोट्या पडद्याचा चाहतावर्ग मोठ्या प्रमाणात आहे. मालिका, रिअ‍ॅलिटी शो यांची लोकप्रियता टीआरपीच्या आधारावर ठरवली जाते. त्यामुळे टीआरपीच्या शर्यतीत टिकून राहण्यासाठी सध्या वाहिन्या अनेक प्रयत्न करत असल्याचं पाहायला मिळत आहे.दरम्यान, आता झी मराठीच्या नव्याने सुरू होणाऱ्या श्रेयस तळपदेच्या शोला प्रेक्षकांचा कसा प्रतिसाद मिळणार हे पाहणं महत्त्वाचं ठरणार आहे.

---------------

हिंदुस्थान समाचार / Priyanka Bansode