जोरहाट विमानतळावर

मुख्यमंत्र्यांनी केले स्वागत

दिसपूर, 14 मार्च (हिं.स.) : केंद्रीय गृहमंत्री अमित शहा ईशान्य भारताच्या 3

दिवसांच्या दौऱ्यावर असून आज, शुक्रवारी आसामच्या जोरहाट येथे पोहोचले. यावेळी

आसामचे मुख्यमंत्री हिमंता बिस्वा सरमा यांनी जोरहाट विमानतळावर केंद्रीय

गृहमंत्री अमित शहा यांचे स्वागत केले.

गृहमंत्र्यांच्या

दौऱ्यासंदर्भात माहिती देताना अधिकाऱ्यांनी सांगितले की, जोरहाटला पोहोचल्यानंतर लगेचच शाह गोलाघाट

जिल्ह्यातील डेरगावला जातील,

जिथे ते लचित बर्फुकन पोलिस

अकादमीमध्ये रात्रीचा मुक्काम करतील. त्यानंतर उद्या, शनिवारी सकाळी मिझोरामला

जाण्यापूर्वी गृहमंत्री शाह अत्याधुनिक पोलिस अकादमीचे उद्घाटन करतील. मिझोरममध्ये, अमित शाह आसाम रायफल्सचे कार्यालय ऐझॉलहून झोखावसांग

येथे स्थलांतरित करण्याच्या कार्यक्रमाला उपस्थित राहतील. यानंतर ते गुवाहाटीला

परततील आणि कोइनाधारा येथील स्टेट गेस्ट हाऊसमध्ये रात्रीचा मुक्काम करतील. तसेच रविवारी

सकाळी, गृहमंत्री आसाममधील कोक्राझार जिल्ह्यातील डोटमा

येथे ऑल बोडो स्टुडंट्स युनियन (एबीएसयू) च्या 57 व्या वार्षिक परिषदेला संबोधित

करण्यासाठी रवाना होतील. शाह दुपारी गुवाहाटीला परततील आणि ईशान्येकडील 8

राज्यांच्या मुख्यमंत्र्यांसोबत भारतीय न्यायिक संहितेच्या प्रगतीचा आढावा घेतील.अधिकाऱ्यांच्या मते, या बैठकीत सर्व राज्ये आतापर्यंत बीएनएसच्या

अंमलबजावणीची माहिती सादर करतील, त्यानंतर अमित शाह रविवारी

रात्री नवी दिल्लीला रवाना होतील.

-----------------------

हिंदुस्थान समाचार / मनीष कुलकर्णी