मध्यप्रदेशची बस आणि मेटाडोरमध्ये टक्कर

बुलढाणा, 15 एप्रिल (हिं.स.) : मुंबई-नागपूर राष्ट्रीय महामार्ग क्रमांक 53 वर आज, मंगळवारी सकाळी भीषण अपघात झाला. मेटाडोर आणि मध्यप्रदेश परिवहनची बस यांच्यात समोरासमोर धडक झाली आहे. या अपघातात मेटाडोरमधील 3 जण तर बसमधील प्रवासी असा चौघांचा मृत्यू झाला असून सुमारे 20 जण जखमी झाले आहेत.

मध्यप्रदेश परिवहनच्या खामगाव,अकोला ते इंदोर या मध्य बसला नांदुरानजिक आंबोडा फाटा जवळ चुकीच्या दिशेने समोरून आलेल्या टिप्परने मंगळवारी सकाळी 7.30 वाजता जोरदार धडक दिल्यामुळे झालेल्या अपघातात तीन जण जागीच ठार झाले. तर एकाचा रुग्णालयात नेताना मृत्यू झाला. एकूण 20 जखमी असून त्यापैकी तिघांची प्रकृती गंभीर आहे.

जखमींना खामगाव सामान्य रुग्णालयात उपचारार्थ आणण्यात आले. गंभीर जखमींना अकोला येथे पाठवण्यात आले. मृतांमध्ये टिप्परचालक पातोड्या मालसिंग भैय्यड्या, प्रेमसिंग धारवे, तसेच बळीराम कोतवाल यांच्यासह बसमधील एकाचा रुग्णालयात नेताना मृत्यू झाला. जखमींमध्ये खामगाव, अकोला, अमरावती येथील प्रवाशांचा समावेश आहे. -------------------

हिंदुस्थान समाचार / अरुण जोशी