अलिबाग, 12 जुलै (हिं.स.) । अलिबाग शहरातील एका चायनीज शेजारी असलेल्या गल्लीत अल्पवयीन मुलीचा विनयभंग करण्यात आला. तिच्याकडून तिच्या आईचे २,८६,०००/- रुपयांचे दागीने देखील घेतल्याचा प्रकार समोर आला आहे. याप्रकरणी आरोपीविरोधात अलिबाग पोलीस ठाण्यात गुन्हा दाखल करण्यात आला आहे.

पोलिसांकडून मिळालेल्या माहितीनुसार, यज्ञेश घरत असे आरोपीचे नाव आहे. हा परहूरपाडा येथील रहिवासी आहे. त्याच्या विरोधात मारामारी, धक्काबुक्की, शाब्दिक वाद केल्याप्रकरणी यापुर्वी देखील मांडवा सागरी पोलीस ठाण्यात गुन्ह्णे दाखल आहेत. अलिबाग तालुक्यातील पिडीत मुलीसोबत त्याची ओळख होती. पिडीत मुलगी महाविद्यालयामध्ये शिक्षण घेत आहे. यज्ञेश यांने पिडीत मुलीला तुझी महाविद्यालयामध्ये विनयभंग करून बदनामी करण्याची धमकी दिली होती व तसे करू नये म्हणून त्याने पिडीत मुलीस घरातून जबरदस्तीने आईचे सोन्याचे दागिने आणण्यास सांगितले. भितीपोटी मुलीने घरातील २,८६,००० हजार रुपये किंमतीचे दागीने आणून अलिबाग शहरातील एका चायनीज शेजारी असलेल्या गल्लीत यज्ञेश घरत याला दिले. मात्र दागिने घेऊन देखील त्याने त्या गल्लीत तिचा विनयभंग केला. आरोपी हा विवाहित असल्याची माहिती समोर येत आहे. याप्रकरणी अलिबाग पोलीस ठाण्यात गुन्हा दाखल करण्यात आला आहे.

---------------

हिंदुस्थान समाचार / Sandesh Jaywant