लंडन, 14 जुलै (हिं.स.) :

स्पेनच्या

कार्लोस अल्कारेझला पराभूत करत इटलीच्या यानिक सिनरने पहिल्यंदा विम्बल्डनच्या

चषकावर आपले नाव कोरले. त्याने अंतिम सामन्यात कार्लोसवर ४-६,६-४,-६-४,६-४ ने बाजी

मारत आपल्या टेनिस करिअरमधील पाचवे ग्रँडस्लॅम विजेतेपद पटाकवले. पहिला सेट

गमावून त्याने जोरदार मुसंडी मारत विम्बल्डनचे अजिंक्यपद पटकावण्यात यश मिळवले.

कार्लोस

अल्कारेझकडूनच सिनरला फ्रेंच ओपनमध्ये पराभवाचा धक्का सहन करावा लागला होता. विजयाच्या

समीप येऊनही त्याला रिकाम्या हाताने परतावे लागले होते. फ्रेंच ओपनच्या अंतिम

सामन्यात दोन सेटने आघाडी घेतल्यानंतर आणि तीन चॅम्पियनशिप पॉइंट्स

राखल्यानंतरही त्याच्या हातून अल्कारेझने जेतेपद हिसकावून घेतले होते. आता

विम्बल्डनच्या जेतेपदासह सिनरने या पराभवाची सव्याज परतफेड केली आहे.

उपांत्य

फेरीत यानिक सिनरने सर्बियाच्या नोव्हाक जोकविचचं आव्हान पार करत अंतिम फेरीत

दिमाखात प्रवेश केला होता. उपांत्य फेरीतच त्याने बलाढ्य जोकविचे आव्हान परतावून

लावले होते. अंतिम फेरीत त्याच्यासमोर कट्टर प्रतिस्पर्धी आणि

सलग दोनवेळा विम्बल्डन जिंकणाऱ्या अल्कारेझचे आव्हान होते. मात्र. त्याने अतिशय

संयमी खेळी करत अखेर विम्बल्डनचा चषक उंचावला.

---------------

हिंदुस्थान समाचार / Vrushali Surendra