टोकियो, १७ सप्टेंबर (हिं.स.) : भारताच्या सर्वेश कुशारेने टोकियो येथे झालेल्या २०२५ च्या जागतिक ऍथलेटिक्स अजिंक्यपद स्पर्धेत पुरुषांच्या उंच उडीच्या अंतिम फेरीत एक नवीन वैयक्तिक सर्वोत्तम कामगिरी नोंदवली आणि तो सहावे स्थान मिळवले. कुशारेने त्याच्या शेवटच्या प्रयत्नात २.२८ मीटर अंतर पार केले. जे त्याचे कारकिर्दीतील सर्वोत्तम कामगिरी आहे. पदकांच्या शर्यतीत राहण्यासाठी त्याला राष्ट्रीय विक्रम (२.२९ मीटर) मोडण्याची आवश्यकता होती. पण तो तिन्ही प्रयत्नांमध्ये तो असे करू शकला नाही. अमेरिकेच्या टायस विल्सननेही त्याच उंचीवर हंगामातील सर्वोत्तम कामगिरी नोंदवली आणि सहाव्या स्थानावर असलेल्या कुशारेसोबत बरोबरी साधली. न्यूझीलंडचा ऑलिंपिक विजेता हेमिश केरने २.३६ मीटरच्या सर्वोत्तम उडीसह स्पर्धेचे सुवर्णपदक जिंकले. दक्षिण कोरियाच्या सांग-ह्योक वू याने २.३४ मीटर उडी मारून रौप्य पदक जिंकले, तर चेक प्रजासत्ताकच्या जान स्टेफेला याने २.३१ मीटर उडी मारून कांस्यपदक जिंकले. कुशारेने पात्रता फेरीत २.२५ मीटर उडी मारून इतिहास रचला. तो जागतिक अजिंक्यपद स्पर्धेत उंच उडीच्या अंतिम फेरीत पोहोचणारा पहिला भारतीय पुरुष खेळाडू ठरला.
---------------
हिंदुस्थान समाचार / वृषाली देशपांडे
