सोलापूर, 15 जानेवारी (हिं.स.)। आज सोलापूर महानगरपालिका निवडणुकीच्या पार्श्वभूमीवर होटगी रोड येथील लिटिल फ्लॉवर हायस्कूल येथे आ. सुभाष देशमुख यांनी कुटुंबीयांसमवेत उपस्थित राहून मतदानाचा पवित्र हक्क बजावला. यावेळी बोलताना म्हणाले लोकशाही अधिक बळकट करण्यासाठी प्रत्येक नागरिकाने मतदान करणे हीच खरी जबाबदारी आहे.

सोलापूर महानगरपालिका निवडणुकीच्या पार्श्वभूमीवर प्रभाग क्रमांक ७ मधील मुरारजी पेठ येथील शरदचंद्र पवार प्राथमिक शाळा या मतदान केंद्रावर आज सकाळपासून मतदारांची मोठी गर्दी पाहायला मिळाली. नागरिकांनी शांततेत, शिस्तबद्ध रांगेत उभे राहून आपला मतदानाचा हक्क बजावला. कोणताही अनुचित प्रकार घडू नये यासाठी पोलीस व निवडणूक प्रशासनाने कडक बंदोबस्त ठेवला होता.

---------------

हिंदुस्थान समाचार / यशपाल गायकवाड