लातूर, 07 जानेवारी (हिं.स.)। लातूर जिल्ह्यासाठी तीन दिवसीय स्थानिक सुट्ट्या जाहीर करण्यात आल्या आहेत. जिल्ह्यासाठी २०२६ मधील तीन स्थानिक सुट्ट्या जिल्हाधिकारी वर्षा ठाकूर-घुगे यांनी ०५ जानेवारी, २०२६ रोजीच्या अधिसूचनेनुसार जाहीर केल्या आहेत. यानुसार २८ ऑगस्ट २०२६ (शुक्रवार) रोजी रक्षाबंधन, १८ सप्टेंबर २०२६ (शुक्रवार) रोजी ज्येष्ठागौरी पूजन, ६ नोव्हेंबर २०२६ (शुक्रवार) रोजी धनत्रयोदशी निमित्त लातूर जिल्ह्यात स्थानिक सुट्टी राहणार आहे.

जिल्ह्यातील उच्च न्यायालयाच्या अधिकार कक्षेतील कार्यालये, केंद्रीय कार्यालये, केंद्रीय प्रशासनातील कार्यालये व बँकेच्या कक्षातील कार्यालये वगळता लातूर जिल्ह्यातील सर्व शासकीय कार्यालये, जिल्हा परिषदेच्या कक्षेतील कार्यालये, स्थानिक स्वराज्य संस्थांची कार्यालये, जिल्ह्यातील कोषागारे, महामंडळाची कार्यालये व इतर सर्व खाजगी शैक्षणिक संस्था यांना या तिन्ही सुट्ट्या लागू राहतील.

---------------

हिंदुस्थान समाचार / Mahesh Madanrao Chitnis