तेहरान, 25 मार्च (हिं.स.)।पश्चिम आशियातील सुरू असलेल्या युद्धाच्या पार्श्वभूमीवर अमेरिकेने दावा केला आहे की, ते इराणसोबत चर्चेच्या दिशेने पुढे जात आहेत. दरम्यान, इस्रायलच्या सैन्याने सांगितले की त्यांनी तेहरानकडून डागण्यात आलेल्या क्षेपणास्त्रांना अडवण्यात यश मिळवले आहे. दुसरीकडे, इराणच्या इस्लामिक रिव्होल्यूशनरी गार्ड कॉर्प्स (आयआरजीसी) ने अमेरिकन आणि इस्रायली ठिकाणांवर हल्ल्यांची 80वी लाट सुरू केल्याचा दावा केला आहे.याच दरम्यान इस्रायलने तेहरानवर हल्ला केला असून त्यात एका निवासी परिसरालाही फटका बसला.

इराणच्या हवाई संरक्षण यंत्रणेने तेहरानजवळ आणि मरकजी प्रांतात अमेरिकन क्रूझ क्षेपणास्त्रे पाडल्याचा दावा केला आहे. अहवालांनुसार, आयआरजीसी च्या प्रगत हवाई संरक्षण प्रणालीने दोन AGM-158 क्रूझ क्षेपणास्त्रे यशस्वीरित्या नष्ट केली. इराणच्या म्हणण्यानुसार, हे प्रत्युत्तर त्यांच्या एकात्मिक राष्ट्रीय हवाई संरक्षण नेटवर्कअंतर्गत देण्यात आले.

लेबनानच्या अधिकृत वृत्तसंस्थाने आरोग्य मंत्रालयाच्या हवाल्याने सांगितले की, इस्रायलच्या हल्ल्यांमध्ये दक्षिण सिदोन भागातील अदलौन शहरात किमान चार जणांचा मृत्यू झाला. एकूण या परिसरात सहापेक्षा अधिक लोकांचा जीव गेला आहे. लेबनानच्या आरोग्य मंत्रालयाने या घटनेला “इस्रायली शत्रूचा हल्ला” असे संबोधले आहे.

इराण-इस्रायल-अमेरिका संघर्षाच्या पार्श्वभूमीवर या हल्ल्यांचा परिणाम आता लेबनानवरही होत असल्याचे दिसत आहे. इस्रायलचा दावा in आहे की हे हल्ले हिजबुल्लाहसारख्या ठिकाणांना लक्ष्य करून करण्यात आले, मात्र स्थानिक माध्यमांमध्ये नागरिकांच्या मृत्यूच्या बातम्या समोर येत आहेत. या संघर्षात लेबनानमध्ये आतापर्यंत शेकडो लोक प्रभावित झाल्याची माहिती आहे.

---------------

हिंदुस्थान समाचार / Priyanka Bansode