वॉशिंग्टन, १५ जून (हिं.स.) : अमेरिकेतील मिसूरीमध्ये एका लहान विमानाचा अपघात होऊन त्यातील सर्व १२ जणांचा मृत्यू झाला आहे. स्थानिक अधिकाऱ्यांच्या माहितीनुसार, हा अपघात रविवारी बटलर मेमोरियल विमानतळाजवळ झाला.

मिसूरी स्टेट हायवे पेट्रोलने सोशल मीडियाद्वारे माहिती देताना सांगितले की, अपघाताची माहिती मिळताच आपत्कालीन पथके घटनास्थळी दाखल झाली. प्राथमिक अहवालानुसार, विमानातील सर्व १२ जणांचा मृत्यू झाल्याची भीती व्यक्त केली जात आहे.

अधिकाऱ्यांच्या माहितीनुसार, हा अपघात बटलर मेमोरियल विमानतळाजवळ झाला. अपघाताचे कारण तात्काळ समजू शकले नाही आणि तपास अधिकारी अपघाताच्या सभोवतालच्या परिस्थितीचा तपास करत आहेत.

कॅन्सस सिटीच्या दक्षिणेला सुमारे ६० मैल अंतरावर असलेल्या बटलर शहराने अपघातस्थळाला घेराव घातला असून बचाव आणि तपास कार्य सुरू झाले आहे.

स्थानिक अधिकाऱ्यांनी सांगितले आहे की, मृतांची ओळख पटवण्याची प्रक्रिया सुरू आहे आणि तपास पूर्ण झाल्यावर अपघातासंबंधी सविस्तर माहिती दिली जाईल. अपघाताचे कारण निश्चित करण्यासाठी अमेरिकेच्या विमानचालन सुरक्षा संस्थांचे तज्ञ देखील घटनास्थळाची पाहणी करतील.

---------------

हिंदुस्थान समाचार / वृषाली देशपांडे