नवी दिल्ली, 26 ऑगस्ट (हिं.स.)बांग्लादेशविरुद्धच्या दुसऱ्या कसोटीतील शानदार कामगिरीनंतर, ऑस्ट्रेलियन वेगवान गोलंदाज मिचेल स्टार्क आपल्या कारकिर्दीत पहिल्यांदाच जगातील अव्वल क्रमांकाचा कसोटी गोलंदाज बनला आहे. त्याने सामन्यात एकूण १० बळी घेतले होते. त्याने पहिल्या डावात ६/१२ आणि दुसऱ्या डावात ४/३९ अशा कामगिरीचा समावेश होता. त्याच्या या कामगिरीमुळे ऑस्ट्रेलियाला एक डाव आणि ५१ धावांनी विजय मिळवून जागतिक कसोटी चॅम्पियनशिप मालिका बरोबरीत आणण्यात मदत झाली होती.

स्टार्कने ताज्या क्रमवारीत न्यूझीलंडचा मॅट हेन्री आणि भारताचा जसप्रीत बुमराह यांना मागे टाकले आहे. स्टार्क आता बुमराहपेक्षा १० रेटिंग पॉइंट्सने पुढे आहे. स्टार्कची यापूर्वीची सर्वोत्तम क्रमवारी दुसरी होती, जी त्याने गेल्या वर्षी बॉक्सिंग डे कसोटीनंतर मिळवली होती. बांगलादेशविरुद्धच्या सामन्यात त्याला 'सामनावीर' आणि 'मालिकावीर' म्हणूनही गौरविण्यात आले होते.

बुमराहचा जगातील अव्वल क्रमांकाचा कसोटी गोलंदाज म्हणून असलेला कार्यकाळ दोन महिने टिकला. एकूण, त्याने ६९७ दिवस अव्वल स्थान राखले आहे, जो कोणत्याही भारतीय गोलंदाजासाठी सर्वाधिक आणि कसोटी क्रिकेटच्या इतिहासातील १४ वा सर्वाधिक कालावधी आहे. दुखापतीमुळे बुमराह सध्या भारताच्या श्रीलंकेविरुद्धच्या मालिकेतून बाहेर आहे. इंग्लंडचा वेगवान गोलंदाज ऑली रॉबिन्सनच्या क्रमवारीतही मोठी झेप घेतली. लीड्समध्ये पाकिस्तानविरुद्ध इंग्लंडच्या डावातील १०३ धावांच्या विजयात त्याने ५/५१ आणि ३/३९ अशी कामगिरी केली. तो १५ स्थानांनी पुढे जात ११ व्या क्रमांकावर पोहोचला. त्याचा सहकारी जोश टंग यानेही त्याच कसोटीत आठ बळी घेतल्यानंतर १६ स्थानांनी झेप घेत १७ व्या क्रमांकावर स्थान मिळवले.

गॉलमध्ये श्रीलंकेविरुद्ध भारताच्या १६५ धावांच्या विजयात १० बळी घेतल्यानंतर भारताचा मानव सुथार २८ स्थानांनी पुढे जात आपल्या कारकिर्दीतील सर्वोत्तम ४८ व्या क्रमांकावर पोहोचला. श्रीलंकेचे गोलंदाज असिथा फर्नांडो आणि प्रभात जयसूर्या हे दोघेही पाच स्थानांनी वर चढून अनुक्रमे १५व्या आणि १६व्या स्थानावर पोहोचले आहेत.

---------------

हिंदुस्थान समाचार / वृषाली देशपांडे