मुंबई, 05 ऑगस्ट, (हिं.स.)। तमिळनाडूतील कोईम्बतूर येथे अभिनेता सूर्याच्या आगामी 'विश्वनाथ अँड सन्स' या चित्रपटाचा भव्य ऑडिओ लाँच सोहळा पार पडला. या कार्यक्रमाला चाहत्यांनी मोठ्या संख्येने हजेरी लावली होती. यावेळी दिग्दर्शक वेंकी अट्लुरी, संगीतकार जी.व्ही. प्रकाश कुमार आणि चित्रपटातील संपूर्ण कलाकार मंडळी उपस्थित होती. या सोहळ्यात चित्रपटाच्या संगीताचे अधिकृतपणे अनावरण करण्यात आले.

'विश्वनाथ अँड सन्स' हा चित्रपट १४ ऑगस्ट रोजी जगभरातील चित्रपटगृहांमध्ये प्रदर्शित होणार आहे. सूर्याचा अलीकडील 'करुप्पु' हा चित्रपट बॉक्स ऑफिसवर प्रचंड यशस्वी ठरला होता; त्यामुळे प्रेक्षकांमध्ये या नवीन चित्रपटाबाबत मोठी उत्सुकता आहे. स्वातंत्र्यदिनाच्या पार्श्वभूमीवर प्रदर्शित होणारा 'विश्वनाथ अँड सन्स' हा एक महत्त्वाचा चित्रपट मानला जात आहे.

कामाच्या आघाडीवर बोलायचे झाल्यास, 'विश्वनाथ अँड सन्स'नंतर सूर्या दिग्दर्शक जीतू माधवन यांच्या 'S47' या चित्रपटात दिसणार आहे. याव्यतिरिक्त, तो दिग्दर्शक टी.जे. ज्ञानवेल यांच्या आगामी चित्रपटात आणि 'होम्बळे फिल्म्स'च्या बॅनरखालील एका नवीन प्रोजेक्टमध्येही काम करत आहे.

---------------

हिंदुस्थान समाचार / हर्षदा गावकर