छत्रपती संभाजीनगर, 13 ऑक्टोबर (हिं.स.)। राजस्थानचे महामहिम राज्यपाल हरिभाऊ बागडे यांच्या विशेष प्रयत्नातून मौजे जटवाडा येथे सामाजिक सभागृह बांधकाम (१५ लक्ष) व सत्येश्वर महादेव मंदिर परिसरातील ड्रेनेज लाईन (२० लक्ष) कामांसाठी निधी मंजूर करण्यात आलेला आहे.

जटवाडा येथील सामाजिक सभागृह बांधकाम आणि महादेव मंदिर ड्रेनेज लाईन्स कामाचे भूमिपूजन फुलंब्री विधानसभा मतदारसंघाच्या भारतीय जनता पक्षाच्या आमदार अनुराधा चव्हाण यांच्या हस्ते करण्यात आले. याप्रसंगी अनेकांची उपस्थिती होती.

यामुळे परिसरातील नागरिकांना सामाजिक कार्यासाठी हक्काची जागा तसेच परिसरात स्वच्छता राखण्यास मदत होणार आहे.

---------------

हिंदुस्थान समाचार / Hanumant Madanrao Chitnis