पंढरपूर, २० ऑक्टोबर (हिं.स.) : नरकचतुर्दशी निमित्त पोशाखावेळी दरवर्षी प्रथा परंपरेप्रमाणे श्री विठ्ठल व माता रुक्मिणीला अलंकार परिधान करण्यात आले आहेत.
श्री विठ्ठलास सोन्याचा मुकुट, नाम निळाचा, कौस्तुभ मणी, दंड पेट्या जोड मोठा, हिऱ्याचा कंगण जोड, मोत्याचा तुरा, मोत्याची कंठी १ पदरी, मोत्याची कंठी २ पदरी, नेकलेस,शिरपेच मोठा १० लोलक असलेला, मस्त्य जोड, तोडे जोडे, सूर्य कळ्यांचा हार, सोन्याचे पैंजण जोड, तुळशीची माळ १ पदरी, नक्ष्मी टोप इ. अलंकार परिधान करण्यात आलेले आहेत.
श्री रुक्मिणी मातेस सोने मुकुट, वाक्या जोड, तोडे जोड, तानवड जोड, चिंचपेटी तांबडी, जवामनी पदक, जवेच्या माळा, लक्ष्मी हार, मोहरांची माळ, पुतळ्यांची माळ, सरी, कंबरपट्टा इत्यादि अलंकार परिधान करण्यात आलेले आहेत. श्री. राधिका मातेस नक्षी टोप, ठुशी नवीन, मोत्याचा कंठा मोठा, पुतळ्यांची माळ, व श्री.सत्यभामा मातेस सिध्देश्वर टोप, मोत्याचा कंठा, ठुशी नवीन, पुतळ्यांची माळ, इत्यादी अलंकार परिधान करण्यात आलेले आहेत.
---------------
हिंदुस्थान समाचार / सुधांशू जोशी
