रायगड, 21 ऑक्टोबर (हिं.स.)। पनवेल तालुक्यात यमुना सामाजिक शैक्षणिक संस्था, शेलघर आणि रायगड जिल्हा काँग्रेस कमिटीच्या सहकार्याने महेंद्रशेठ घरत यांच्या ‘सुखकर्ता’ दिवाळी अंकाचे भव्य प्रकाशन सोहळा पार पडला. या सोहळ्यात उपस्थितांनी सांगीतिक आणि हास्यविनोदी कार्यक्रमांचा आस्वाद घेतला.

सांगीतिक कार्यक्रमात ‘इंडियन आयडॉल’ फेम सागर म्हात्रे, ‘होऊ दे धिंगाणा’ फेम विनल देशमुख, तसेच ‘सूर नवा ध्यास नवा’ मधील श्वेता ठाकूर व तृप्ती दामले यांनी आपल्या सुरेल आवाजात उपस्थितांना मंत्रमुग्ध केले. याशिवाय हास्यजत्रा फेम श्रमेश बेटकर, निखिल बने आणि जुईली टेमकर यांनी आगामी मराठी चित्रपट ‘लास्ट स्टॉप खांदा’ चे जोरदार प्रमोशन केले.

सोहळ्यात महेंद्रशेठ घरत यांनी उपस्थितांशी संवाद साधत “मराठी चित्रपट चित्रपटगृहात जाऊन प्रत्येकाने पाहिला पाहिजे” असा आवाहन केले. त्यांनी राजकारणात निवडणुकीसाठी उभे राहणार नसल्याचे स्पष्ट करत चित्रपट निर्मिती क्षेत्रात पदार्पण करण्याची इच्छा व्यक्त केली. तसेच, मानसरोवर यात्रे दरम्यान आलेले वैयक्तिक अनुभव त्यांनी ‘सुखकर्ता’ दिवाळी अंकाच्या माध्यमातून वाचकांसमोर मांडले.

शुभांगीताई घरत यांनी पत्रकारांना भेटवस्तू देऊन दिवाळीच्या शुभेच्छा दिल्या. या भव्य कार्यक्रमाने उपस्थितांमध्ये उत्साह आणि आनंदाची वातावरण निर्माण केले, तसेच ‘सुखकर्ता’ अंक आणि आगामी मराठी चित्रपटाबाबत जनजागृती केली.हा सोहळा सांगीतिक, सांस्कृतिक आणि मनोरंजनाचे संगम ठरला असून पनवेल व आसपासच्या परिसरात मोठ्या उत्साहाने साजरा झाला.

---------------

हिंदुस्थान समाचार / संदेश साळुंके