सोलापूर, 21 ऑक्टोबर, (हिं.स.)। सोलापूर-मंगळवेढा राष्ट्रीय महामार्गावर इंचगाव - बेगमपूरदरम्यान झालेल्या भीषण अपघातात एक तरुण शिक्षक जागीच ठार, तर दुसरा गंभीर जखमी झाला. पिकअपने दुचाकीला मागून जोरदार धडक दिल्याने ही दुर्घटना घडली.

महेश पांडुरंग पोपळे (वय 32) असे मृत तरुणाचे नाव असून, अतुल दिनकर डोके (वय 30, दोघे रा. अंकोली, ता. मोहोळ) असे जखमीचे नाव आहे. दीपक घाडगे (वय 29) असे पिकअप चालकाचे नावे आहे.

सोलापूरहून मंगळवेढ्याकडे जाणारा पिकअप (क्र. एम.एच. 09 एफएल 1126) रिकामी कॅरेट घेऊन भरधाव वेगाने जात होता. त्याचवेळी अंकोली येथील अतुल डोके आणि महेश पोपळे हे दोघे मित्र (एम.एच. 12 केएस 6883) या दुचाकीवरून बेगमपूरच्या दिशेने जात होते.

---------------

हिंदुस्थान समाचार / यशपाल गायकवाड