सोलापूर, 3 ऑक्टोबर, (हिं.स.)। अतिवृष्टी व पुरपरिस्थितीमुळे शेतकरी अडचणीत सापडलेला असताना समाजातील दानशूर हात मदतीसाठी पुढे सरसावत आहेत. माजी आमदार राजेंद्र राऊत यांनी शेतकऱ्यांच्या मदतीसाठी केलेल्या आवाहनाला प्रतिसाद देत शहरातील श्री भगवंत देवस्थान पंच कमिटीच्या वतीने १० लाख रुपयांचा मदतनिधी तर बडवे समितीच्या वतीने २५ हजार, कृषी उत्पन्न बाजार समितीमधील हमाल तोलार संघटनेच्या वतीने २५ हजार रुपयांचा निधी मुख्यमंत्री सहाय्यता निधीसाठी प्रांताधिकारी सदाशिव पडदुणे व तहसीलदार एफ. आर. शेख यांच्याकडे सुपूर्द करण्यात आला.याप्रसंगी माजी आमदार राजेंद्र राऊत, डॉ. बी. वाय. यादव, देवस्थान पंचकमिटीचे सरपंच दिलीप बुडूख, प्रांताधिकारी सदाशिव पडदुने, तहसीलदार एफ. आर. शेख, श्री भगवंत देवस्थान कमिटीचे पदाधिकारी व सदस्य तसेच बडवे समितीचे पदाधिकारी आणि श्री भगवंताचे समस्त पुजारी उपस्थित होते.

---------------

हिंदुस्थान समाचार / यशपाल गायकवाड