नंदुरबार,, 3 ऑक्टोबर (हिं.स.) व्यावसायिक अभ्यासक्रमाचे उच्च शिक्षण घेणाऱ्या इतर मागास प्रवर्ग, विमुक्त जाती व भटक्या जमाती, विशेष मागास प्रवर्ग, अनाथ, दिव्यांग आणि आर्थिक दुर्बल घटक प्रवर्गातील विद्यार्थ्यांसाठी शासकीय वसतीगृह प्रवेशासाठी ऑनलाईन अर्ज भरण्यास 26 ऑक्टोंबर, 2025 पर्यंत मुदतवाढ देण्यात आली असल्याची माहिती इतर मागास बहुजन कल्याण विभागाचे सहाय्यक संचालक सुंदरसिंग वसावे यांनी कळविले आहे.

पंडित दीनदयाल उपाध्याय स्वयंम योजना, ज्ञानज्योती सावित्रीबाई फुले आधार योजनांचा लाभ घेण्यासाठी ऑनलाईन अर्ज भरण्याची मुदवाढ देण्यात आली असून 12 वी नंतरच्या अभ्यासक्रमामध्ये प्रवेश घेतलेल्या पदवी आणि पदव्युत्तर अभ्यासक्रमांमध्ये प्रवेश घेतलेल्या विद्यार्थ्यांना या योजनेचा लाभ घेता येणार आहे.

शैक्षणिक वर्ष 2025-26 मध्ये शिक्षण घेत असलेल्या पात्र विद्यार्थ्यांनी https://hmas.mahait.org या संकेतस्थळावर ऑनलाइन अर्ज करावा, असेही आवाहन इतर मागास बहुजन कल्याण विभागाचे सहायक संचालक श्री. वसावे यांनी केले आहे.

---------------

हिंदुस्थान समाचार / मनोहर कांडेकर