परभणी, 30 ऑक्टोबर, (हिं.स.)। पूर्णा पाटबंधारे प्रकल्पाच्या येलदरी जलाशयात पाणलोट क्षेत्रातून मोठ्या प्रमाणावर पाण्याची आवक सुरु झाली असून त्यामुळे पाटबंधारे खात्याने येलदरीचे क्रमांक 5 व 6 हे दोन दरवाजे गुरुवारी सायंकाळी 4 वाजता उचलून पूर्णा नदीच्या पात्रात पाण्याचा मोठ्या प्रमाणावर विसर्ग सुरु केला आहे.

येलदरीच्या पाणलोट क्षेत्रात खडकपूर्णा प्रकल्पात मोठ्या प्रमाणावर पाणी उपलब्ध झाल्याच्या पार्श्‍वभूमीवर पाटबंधारे खात्याने त्या प्रकल्पाच्या 11 पैकी 7 दरवाजे उघडून पूर्णा नदीच्या पात्रात पाण्याचा विसर्ग सुरु केला. त्यामुळे पाणलोट क्षेत्रातील ते पाणी येलदरीच्या जलाशयापर्यंत पोहोचले असून त्यामुळेच येलदरी जलाशयातील पाणी पातळी व पाण्याची आवक ओळखून पाटबंधारे खात्याने बुधवारी सकाळी या जलाशयाचे 1, 5 व 10 असे तीन दरवाजे दरवाजे 0.5 मीटरने उचलून 8 हजार 439 क्युसेस एवढा पाण्याचा विसर्ग सुरु केला.

---------------

हिंदुस्थान समाचार / Chaitanya JayantRao Chitnis