छत्रपती संभाजीनगर, 31 ऑक्टोबर (हिं.स.) | मराठवाडा विभाग पदवीधर मतदार संघातून भारतीय जनता पक्षाचा उमेदवार विजयी झाला पाहिजे यावर भर देण्यात आला. मराठवाडा पदवीधर मतदार संघातून भारतीय जनता पक्षाला अधिक प्राधान्य मिळावे यासाठी कार्यकर्ते नेते आणि पदाधिकाऱ्यांनी प्रयत्न करावेत असे आवाहन भारतीय जनता पक्षाचे मराठवाडा सह नोंदणी प्रमुख भाजपा प्रदेश सचिव राहुल लोणीकर यांनी केले.

भारतीय जनता पक्षाच्या वतीने मराठवाडा विभाग पदवीधर नोंदणी दौरासुरू करण्यात आला असून रत्नपुर (खुलताबाद) जि.छत्रपती संभाजीनगर येथे पदवीधर नोंदणी सोहळा संपन्न झाला.

मराठवाडा पदवीधर मतदारसंघ निवडणूक व मतदार नोंदणी या अनुषंगाने राहुल लोणीकर यांच्या प्रमुख उपस्थितीत रत्नपूर (खुलताबाद)- गंगापुर विधानसभा मतदारसंघ येथे पदाधिकारी बैठक संपन्न झाली.

याप्रसंगी व्यासपीठावर छत्रपती संभाजीनगर दक्षिण ग्रामीण जिल्हाध्यक्ष संजय खंबायते, संजय सांभाळकर, अमोल जाधव विकास कापसे, यांच्यासह खुलताबाद गंगापूर विधानसभा मतदारसंघातील प्रमुख पदाधिकारी, सर्व मंडळ मतदार नोंदणी प्रमुख व कार्यकर्ते मोठ्या संख्येने उपस्थित होते.

---------------

हिंदुस्थान समाचार / Hanumant Madanrao Chitnis