ढाका, 1 नोव्हेंबर (हिं.स.)तीन सामन्यांच्या टी-२० मालिकेत वेस्ट इंडिजने बांगलादेशचा ३-० ने पराभव केला. शेवटच्या टी-२० सामन्यात वेस्ट इंडिजने बांगलादेशचा पाच विकेट्सने पराभव केला. या सामन्यात रोमारियो शेफर्डने हॅटट्रिक घेतली.
प्रथम फलंदाजी करणाऱ्या बांगलादेशचा संघ २० षटकांत १५१ धावांवर सर्वबाद झाला. तन्जिद हसनने सर्वाधिक ८९ धावा केल्या. सैफ हसनने २२ चेंडूत २३ धावांचे योगदान दिले. बांगलादेशकडून तन्जिद आणि सैफने तिसऱ्या विकेटसाठी ६३ धावांची भागीदारी केली.
पहिल्या आणि दुसऱ्या विकेटसाठी प्रत्येकी २२ धावांची भागीदारी झाली. नऊ फलंदाज दुहेरी आकडा गाठू शकले नाहीत. वेस्ट इंडिजकडून रोमारियो शेफर्डने तीन विकेट्स घेतल्या. तर होल्डर आणि पियरे यांनी प्रत्येकी दोन फलंदाजांना बाद केले.
१५२ धावांच्या लक्ष्याचा पाठलाग करताना वेस्ट इंडिजची सुरुवात खराब झाली. त्यांनी ५२ धावांवर तीन विकेट्स गमावल्या. पण रोस्टन चेस आणि अकीम ऑगस्टे यांनी चौथ्या विकेटसाठी ४६ चेंडूत ९१ धावांची महत्त्वाची भागीदारी केली.
कर्णधार रोस्टन चेसने ५० आणि अकीम ऑगस्टेने ५० धावा केल्या. त्यानंतर रोवमन पॉवेल आणि गुडाकेश मोटी यांनी नाबाद राहून संघाला विजय मिळवून दिला. रोमारियो शेफर्डला मालिकावीर म्हणून घोषित करण्यात आले.
---------------
हिंदुस्थान समाचार / वृषाली देशपांडे
