परभणी, 15 नोव्हेंबर (हिं.स.)। क्रीडा व सेवा संचालनालय महाराष्ट्र राज्य पुणे व जिल्हा क्रीडा अधिकारी कार्यालय यांच्या संयुक्त विद्यमाने घेण्यात आलेल्या विभागीय मैदानी स्पर्धेत धर्मापुरी येथील रायरेश्‍वर माध्यमिक उच्च माध्यमिक विद्यालयातील श्रीशा सुनीलराव देशमुख हीने 4 किमी डिव्हिजन क्रॉस कंट्रीमध्ये तिसरा तर पुनम भगवानराव तिथे हीने चौथा क्रमांक पटकावला असून त्या राज्यस्तरीय मैदानी स्पर्धेसाठी पात्र ठरल्या आहे.

विद्यार्थ्यांच्या या यशाबद्दल संस्था अध्यक्ष तथा प्राचार्य किरण सोनटक्के व संस्था सचिव तथा प्राचार्य सौ. शितल सोनटक्के यांच्यासह सर्व समन्वयक, विभाग प्रमुख, शिक्षक व शिक्षकेतर कर्मचारी यांनी खेळाडूंचे व प्रशिक्षक मार्गदर्शकाचे अभिनंदन केले असून पुढील कार्यासाठी शुभेच्छा दिल्या.

---------------

हिंदुस्थान समाचार / Chaitanya JayantRao Chitnis