सोलापूर, 18 नोव्हेंबर (हिं.स.)। सोलापूर जिल्ह्यातील 11 नगरपालिका आणि 1 नगरपंचायतीसाठी निवडणूक कार्यक्रम सुरू असून, 152 प्रभागांतील 289 नगरसेवकपदासाठी ही निवडणूक होत आहे. उमेदवारी अर्ज दाखल करण्याचा कालावधी अंतिम टप्प्यात आला असतानाही महाविकास आघाडी आणि महायुतीतील कुठल्याही राजकीय पक्ष आणि उमेदवारी जाहीर केलेली नाही. मोहोळ नगरपरिषदेच्या नगराध्यक्ष पदासाठी शीतल सुशील क्षीरसागर यांची तर अनगर नगरपंचायतच्या नगराध्यक्षपदासाठी प्राजक्ता अजिंक्यराणा पाटील यांना भारतीय जनता पक्षाची अधिकृत उमेदवारी रविवारी जाहीर केली, तर अक्कलकोट, दुधनी, मैंदर्गी, अकलूज या नगरपालिकेसाठी उमेदवारी कोणाच्या गळ्यात पडणार याची उत्सुकता लागली आहे.उमेदवारी अर्ज दाखल करण्याच्या शेवटचा दिवस आला तरी भाजपा, शिवसेना शिंदे गट, शिवसेना उबाठा, राष्ट्रवादी अजित पवार गट, राष्ट्रवादी शरद पवार गट व अन्य पक्षांनी नगराध्यक्ष पदाच्या उमेदवारीची आपले पत्ते अजूनही उघडले नाहीत.

---------------

हिंदुस्थान समाचार / यशपाल गायकवाड