अमरावती, 3 नोव्हेंबर (हिं.स.)।

भरधाव कारने एका दुचाकी वाहनाला जोरदार धडक दिली. यात दुचाकीवरी दोन जणांचा जागीच मृत्यू झाला. दर्यापूर-मूर्तिजापूर मार्गावर रविवारी (दि.२) सायंकाळी ६.४५ वाजताच्या सुमारास ही घटना घडली.घर बांधकाम मजूर गौतम अण्णा मोहोड (वय ३७) चालक, कैलास एकनाथ पेठकर (वय ४२) दोघेही रा.जांभा खु. ता. मूर्तिजापूर असे मृताचे नावे आहे. घटनेच्या वेळी दर्यापूर येथून राजकाम आटोपून गौतम व कैलास हे दुचाकी क्रमांक एमएच २८ एफ ५३०१ ने गावी जात होते. दरम्यान दर्यापूर-मूर्तिजापूर मार्गावरील स्वाद हॉटेल नजिक समोरून येणाऱ्या भरधाव कार क्रमांक एमएच ४० डीई १२०९ ने दुचाकीस समोरासमोर जोरदार धडक दिली. या भीषण अपघातात दुचाकी चालक गौतम मोहोड व सहकारी कैलास पेठकर यांना डोक्याला व ईतर ठिकाणी जबर मार लागल्याने दोघांचाही जागीच मृत्यू झाला. माहिती मिळताच दर्यापूर पोलीस घटनास्थळी दाखल झाले होते. पोलिसांनी दोन्ही मृतदेह शवविच्छेदनाकरिता उपजिल्हा रुग्णालयात ठेवले आहे. अपघातात दुचाकी चकनाचूर झाली आहे. घटनेनंतर कारचालक व कारमधील इतर पसार झाले.

---------------

हिंदुस्थान समाचार / अरुण जोशी