परभणी, 13 डिसेंबर (हिं.स.)। परभणी शहर महानगरपालिका निवडणूक–2025 च्या पार्श्वभूमीवर भारतीय जनता पार्टी, परभणी महानगरच्या वतीने इच्छुक उमेदवारांच्या मुलाखतींचे आयोजन करण्यात आले आहे.

या मुलाखती रविवार, दिनांक 14 डिसेंबर 2025 रोजी सकाळी 10 वाजता भारतीय जनता पार्टी मध्यवर्ती संपर्क कार्यालय, संजीवनी पेट्रोल पंपाच्या बाजूला, वसमत रोड, परभणी येथे होणार आहेत. सदर मुलाखती पालकमंत्री सौ. मेघनादीदी बोर्डीकर, मराठवाडा संघटनमंत्री श्री. संजयजी कौडगे, निवडणूक प्रमुख मा.आ. सुरेशराव वरपूडकर, ज्येष्ठ नेते मा.आ. रामप्रसाद बोर्डीकर, भाजपा परभणी महानगर जिल्हाध्यक्ष शिवाजीराव भरोसे तसेच डॉ. केदार खटिंग यांच्या प्रमुख उपस्थितीत पार पडणार आहेत. परभणी शहर महानगरपालिकेची निवडणूक भारतीय जनता पार्टीकडून लढवू इच्छिणाऱ्या सर्व इच्छुक उमेदवारांनी वेळेत उपस्थित राहावे, असे आवाहन भाजपा परभणी महानगर जिल्हाध्यक्ष शिवाजीराव भरोसे यांनी केले आहे.

---------------

हिंदुस्थान समाचार / Chaitanya JayantRao Chitnis