परभणी, 19 डिसेंबर (हिं.स.)। नगरपालिकेच्या दोन प्रभागाच्या निवडणूकीसाठी उद्या शनिवारी(दि. २०) मतदान घेतले जाणार आहे. यासाठी मतदान साहित्याचे वाटप निर्वाचन अधिकारी तथा तहसीलदार माधवराव बोथीकर यांच्या उपस्थितीत करण्यात आले.

पूर्णा नगरपालिकेच्या प्रभाग क्रमांक - १ (ब) आणी प्रभाग क्रमांक - १० (ब) या दोन प्रभागासाठी सहा मतदान केंद्रावर सकाळी साडेसात ते साडेपाच या वेळेत प्रत्यक्ष मतदान घेतले जाणार आहे. यासाठी तहसील कार्यालयातून मतदान साहित्याचे वाटप तहसीलदार तथा निर्वाचन अधिकारी माधवराव बोथीकर यांच्या उपस्थितीत करण्यात आले. प्रभाग क्रमांक - १(ब) मध्ये सात उमेदवार तर प्रभाग क्रमांक - १०(ब) मध्ये दोन उमेदवारांमध्ये सरळ लढत होत आहे. रविवारी(२१)सकाळी दहा वाजता तहसील कार्यालयात मतमोजणी होणार असल्याची माहिती निर्वाचन अधिकारी तथा तहसिलदार माधवराव बोथीकर यांनी दिली.

---------------

हिंदुस्थान समाचार / Chaitanya JayantRao Chitnis