परभणी, 30 डिसेंबर (हिं.स.)।परभणी महानगरपालिकेच्या निवडणूकीच्या रिंगणातील 28 उमेदवारांची यादी काँग्रेसने मंगळवारी रात्री जाहीर केली. तर आघाडीतील शिवसेना उबाठा गटास उर्वरित जागा सोडून दिल्या आहेत.या निवडणूकीत काँग्रेस व शिवसेना उध्दव बाळासाहेब ठाकरे गटात आघाडी झाली आहे. या आघाडीतून बहुतांशी प्रभागात जागा वाटप निश्चि‍त झाले आहे. परंतु, तीन प्रभागात आघाडीतील हे दोन्ही पक्षांचे उमेदवार एकमेकांविरोधात दंड थोपाटून उभे राहणार हे निश्चि‍त झाले. या पार्श्‍वभूमीवर काँग्रेसचे महानगर जिल्हाध्यक्ष नदीम इनामदार यांनी मंगळवारी रात्री निवडणूक रिंगणातील 28 उमेदवारांची यादी जाहीर केली. या यादीत माजी उपमहापौर भगवानराव वाघमारे, काँग्रेसचे महानगर जिल्हाध्यक्ष नदीम इनामदार, स्थायी समितीचे माजी सभापती गणेश देशमुख, सुनील देशमुख, गुलमीर खान यांच्यासह ज्येष्ठ सदस्य विखार अहेमद खान, माजी नगराध्यक्ष बंडू पाचलिंग यांच्या स्नुषा सौ. रंजना अमित पाचलिंग यांचा समावेश आहे. आंबेडकरी चळवळीतील ज्येष्ठ नेते स्व. विजय वाकोडे यांचे सुपुत्र आशिष वाकोडे यांनाही प्रभाग 6 मधून काँग्रेसने उमेदवारी बहाल केली आहे. प्रभाग क्रमांक 1 क मधून सौ. शारदा ज्ञानेश्‍वर गोमचाळे, ड मधून गणेश सुरेशराव देशमुख, प्रभाग क्रमांक 3 अ मधून धम्मदीप रोडे, ब मधून फरहत सुलताना अब्दुल माजेद, क मधून शाईस्ता शेख नासेर, ड मधून महेमुद खान अब्दुल मजीद खान, प्रभाग क्रमांक 6 अ मधून आशिष विजय वाकोडे, ब मधून सय्यदा सबा परवीन सय्यद सरदार, ड मधून प्रदीप वाहूळे, प्रभाग क्रमांक 7 अ मधून फातेमा बेगम अब्दुल मुश्ताक, ब मधून सौ. वैशाली विनोद कदम, क मधून सुनील जनार्दन देशमुख, ड मधून गुलमीर खान कलंदर खान, प्रभाग 8 अ मधून फातेमा अन्सारी अब्दुल समद, ब मधून रंजना अमित पाचलिंग, क मधून विखार अहेमद खान तर ड मधून मोहम्मद इरफान मोहम्मद अय्युब, प्रभाग 9 अ मधून भगवान नारायणराव वाघमारे, ब मधून सौ. अश्‍विनी अमोल जाधव, प्रभाग 11 अ मधून शमशाद बेगम सय्यद इलाही राज, ब मधून जकीरा बेगम मोहम्मद नैमोद्दीन, क मधून रुकसाना बेगम सय्यद अब्दुल हमीद, ड मधून खान मुसद्दिक नरुल्ला खान, प्रभाग 13 ब मधून शदमा कौसर शेख जमिल, ड मधून रहेमान खान जावेद खान, प्रभाग 14 अ मधून शेख तौसिफ शेख इब्राहीम, ब मधून समरीन बेगम मोहसीन खान व ड मधून नदीम अहेमद इनामदार यांची उमेदवारी जाहीर करण्यात आली आहे.

---------------

हिंदुस्थान समाचार / Chaitanya JayantRao Chitnis