नांदेड, 8 डिसेंबर (हिं.स.)।

नांदेड वाघाळा शहर महानगरपालिकेच्या निवडणुकीसाठी भारतीय जनता पार्टीच्या इच्छुक उमेदवारांच्या मुलाखती शनिवार आणि रविवार दिनांक 13 आणि 14 डिसेंबर रोजी सकाळी 11 ते सायंकाळी 5 वाजेपर्यंत अंत्योदय जनसंपर्क कार्यालय विद्युत नगर चौक , आनंद नगर भाग्यनगर रोड नांदेड येथे आयोजित करण्यात आले आहेत. या मुलाखतींना संबंधितांनी उपस्थित राहण्याचे आवाहन भाजपा नांदेड महानगरपालिका निवडणूक प्रमुख तथा खा. डॉ. अजित गोपछडे यांनी केले आहे.

राज्याचे माजी मुख्यमंत्री तथा खासदार आणि भाजपा जिल्हा निवडणूक प्रभारी अशोकराव चव्हाण , खासदार तथा भाजपा नांदेड महानगरपालिका निवडणूक प्रमुख डॉ. अजित गोपछडे , मराठवाडा संघटन मंत्री संजय कौडगे , नांदेड महानगर अध्यक्ष माजी आमदार अमरनाथ राजुरकर , जिल्हाध्यक्ष डॉ. संतुकराव हंबर्डे , जिल्हा अध्यक्ष अँड. किशोर देशमुख यांच्या उपस्थितीत पार पडणाऱ्या या मुलाखतींमध्ये नांदेड वाघाळा शहर महानगरपालिकेची निवडणूक भारतीय जनता पार्टीच्या वतीने लढू इच्छिणाऱ्या सर्व इच्छुकांनी आपल्या स्वतःचा बायोडाटा आणि आवश्यक कागदपत्रांसह भाजपा अंत्योदय जनसंपर्क कार्यालय, विद्युत नगर चौक, आनंदनगर - भाग्यनगर रोड नांदेड येथे उपस्थित राहून मुलाखती द्यावेत, असे आवाहन भाजपा नांदेड महानगरपालिका निवडणूक प्रमुख खा. डॉ. अजित गोपछडे यांनी केले आहे.

---------------

हिंदुस्थान समाचार / Sangita Hanumant Rao Chitanis