नवी दिल्ली , 29 सप्टेंबर (हिं.स.)। दिल्ली पोलिसांनी दोन बेकायदेशीर बांगलादेशी स्थलांतरितांना ताब्यात घेतले आहे. हे दोघं सुमारे दोन वर्षांपूर्वी भारतात राहत होते, पण व्हिसाची वैध मुदत संपल्यानंतरही परत गेले नाहीत. पोलिसांनी त्यांना अटक केल्यानंतर त्यांच्या निर्वासनाची तयारी सुरू केली आहे.

दिल्ली पोलिसांनी सांगितले की, दक्षिण पश्चिम विभागातील ऑपरेशन सेल ने दोन बेकायदेशीर बांगलादेशी स्थलांतरितांना ताब्यात घेतले आहे. त्यांची ओळख मोहम्मद अब्दुलअजीज मियाँ आणि मोहम्मद रफीकुल इस्लाम अशी झाली आहे.

पोलिसांनी सांगितले की, सर्व औपचारिकता पूर्ण केल्यानंतर, दिल्लीतील परदेशी विभागीय नोंदणी कार्यालय (एफआरआरओ) यांच्या मदतीने नवीन निर्वासन प्रक्रिया सुरू करण्यात आली आहे.महिपालपूर परिसरात एका बेकायदेशीर बांगलादेशी स्थलांतरिताच्या वास्तव्याबाबत दिल्ली पोलिसांना गुप्त माहिती मिळाली होती. पोलिसांची टीम घटनास्थळी पोहोचली आणि माहितीदाराच्या मदतीने दोन संशयितांची ओळख पटली. सखोल चौकशीदरम्यान जेव्हा त्यांच्याकडे वैध व्हिसा व प्रवास दस्तऐवज मागितले, तेव्हा ते काहीच दाखवू शकले नाहीत. त्यांनी कबूल केले की, ते सुमारे दोन वर्षांपूर्वी भारतात आले होते, पण व्हिसाची मुदत संपल्यानंतरही भारतातच थांबले.

गुप्त माहितीच्या आधारे दिल्लीमध्ये मोहिम राबवण्यात आली, आणि त्यानंतर हसन शेख (३५) आणि अब्दुल शेख (३७) या दोन बांगलादेशी नागरिकांना अटक करण्यात आली. हे दोघंही बांगलादेशातील सतखीरा जिल्ह्याचे रहिवासी आहेत. एक वरिष्ठ पोलीस अधिकाऱ्याने सांगितले, “चौकशीदरम्यान त्यांनी सांगितले की, त्यांचे अनेक नातेवाईक आणि सहकारी कानपूर देहात भागात राहतात.” पोलिसांनी तत्काळ कारवाई करत तिथे छापा टाकला आणि २३ इतर बांगलादेशी नागरिकांना अटक केली.

दरम्यान २५ सप्टेंबर रोजी, दिल्ली पोलिसांनी भारतात बेकायदेशीरपणे राहत असलेल्या २५ बांगलादेशी नागरिकांना पकडले, ज्यापैकी २३ जण उत्तर प्रदेशातील कानपूर देहात भागातून पकडले गेले.पोलिसांच्या माहितीनुसार, पकडण्यात आलेल्यांमध्ये ५ अल्पवयीन मुले आणि १० महिला होत्या. हे सर्वजण कोणतीही कायदेशीर परवानगी किंवा निवासी कागदपत्रांशिवाय गेल्या ८ वर्षांपासून भारतात राहत होते.

ही कारवाई दिल्ली पोलिसांच्या बेकायदेशीर स्थलांतरितांविरोधातील मोहिमेचा एक भाग आहे आणि अशीच कडक कारवाई पुढेही सुरू राहणार असल्याचं पोलिसांनी स्पष्ट केलं आहे.

---------------

हिंदुस्थान समाचार / Priyanka Bansode