नांदेड, 12 जानेवारी (हिं.स.)।नांदेड वाघाळा महानगरपालिकेच्या निवडणुकीत भारतीय जनता पक्षाच्या वतीने जाहीरनाम्यात दिलेली वचने निश्चितच पूर्ण करण्यात येतील भारतीय जनता पक्षाला विकासात्मक कामे करण्यासाठी बहुमताने निवडून द्यावे असे आवाहन भारतीय जनता पक्षाचे खासदार माजी मुख्यमंत्री अशोक चव्हाण यांनी केले आहे

नांदेड-वाघाळा शहर महानगरपालिकेच्या वसरणी प्रभाग क्र. १९ मधील शगुन सिटी परिसरात भारतीय जनता पक्षाच्या उमेदवारांच्या प्रचारार्थ बैठक झाली.त्यावेळी अशोक चव्हाण बोलत होते.विकसित नांदेडसाठी भाजपाच्या सर्व उमेदवारांना विजयी करण्याचे आवाहन यावेळी केले.

भारतीय जनता पक्षाचे नांदेड जिल्ह्यातील पदाधिकारी नेते कार्यकर्ते यावेळी मोठ्या संख्येने उपस्थित होते.

हिंदुस्थान समाचार / Sangita Hanumant Rao Chitanis