पुणे, 12 जानेवारी (हिं.स.)। पुणे महानगर पालिका निवडणुकीची रणधुमाळी सुरु आहे. या निवडणुकीत पुण्यात चौरंगी लढत बघायला मिळत आहेत. मतदानासाठी अवघे दोन दिवस बाकी असताना पुणे महापालिकेने पीएमपीएमलच्या संर्दभात एक महत्तावा निर्णय घेतला आहे. आगामी मतदान प्रक्रियेसाठी प्रशासनाने पीएमपीएमलच्या बसेसचा वापर करण्याचा निर्णय घेतला आहे. १५ जानेवारी २०२६ रोजी होणाऱ्या महापालिकेच्या निवडणुकीसाठी मतपेट्यांची ने-आण करायला पीएमपीएमलच्या १०५६ बसेसचा वापर केला जाणार आहे.त्यामुळे १४ आणि १५ जानेवारीला काही मार्गावर बस कमी प्रमाणात उपलब्ध असतील. ज्याने बस उशिरा येणे किंवा फेऱ्या कमी होण्याची शक्यता आहे. यामुळे पीएमपीएमलच्या प्रवाशांना फटका बसू शकतो.पीएमपीएमचा वापर करणारे मुख्य प्रवासी विद्यार्थी, नोकरदार, महिला, ज्येष्ठ नागरिक असतात. कुठल्याही प्रकारची गैरसोय किंवा त्रास होऊ नये म्हणुन परिवहन महामंडळाकडून नागरिकांना आवाहन करण्यात आले आहे.
---------------
हिंदुस्थान समाचार / भूषण राजगुरु
