पुणे, 19 मार्च (हिं.स.)। पुण्यात गुढीपाडव्याचा आणि हिंदू नववर्षाचा उत्साह मोठ्या प्रमाणात पाहायला मिळतो आहे. आज,पुणे शहरात पारंपारिक पद्धतीने आणि जल्लोषात नवीन वर्षाचे स्वागत करण्यात आले.पुणे शहराच्या विविध भागांतून, विशेषतः मध्यवस्तीतील पेठांमधून आकर्षक स्वागत यात्रा किंवा शोभायात्रा काढण्यात आल्या आहेत. यामध्ये पारंपारिक वेशभूषेतील तरुण-तरुणी मोठ्या संख्येने सहभागी झाले आहेत.पुणेरी ढोल-ताशा पथकांच्या वादनाने शहराचे वातावरण दुमदुमून गेले आहे. अनेक पथकांनी या दिवशी आपली विशेष कला सादर केली आहे. शोभायात्रांमध्ये लाठीकाठी आणि इतर पारंपारिक मर्दानी खेळांची प्रात्यक्षिके तरुणांनी सादर केली आहेत.पुण्याचे ग्रामदैवत श्रीमंत दगडूशेठ हलवाई गणपती मंदिर येथे पहाटेपासूनच भाविकांनी दर्शनासाठी मोठी गर्दी केली होती. मंदिरात फुलांची आकर्षक आरास आणि रांगोळी काढण्यात आली आहे.पुणेकरांनी आपापल्या घरांसमोर गुढ्या उभारून, अंगणात सुबक रांगोळ्या काढून आणि गोडधोड नैवेद्य दाखवून सण साजरा केला आहे.
---------------
हिंदुस्थान समाचार / भूषण राजगुरु
